الخميس، ٦ مارس ٢٠٠٨

هم الناس...............

- يعيش بستين شخصية فى حياته الشئ المشترك بينهم هو الإسم والشكل فقط حتى إن كان ذلك الشكل يختلف من شخصية لأخرى , ولكنه واحد بس منهم كلهم , ولو كان أحمد حلمى أصلاً واحد من الثلاثة فإن ذلك الذى يعيش بجلباب الستين شخصية أكثر منه صعوبة فالحياة.
- كل ما بها يحتاج دهراً للكلام عنه , فهى أقل ما يقال عنه ملاكاً يمشى على الأرض , جمالها لا تقدر أفصح الكلمات على وصفه ولا يقدر أعظم الشعراء على وصف نورها , إنها الجمال إنها المصدر الذى أشع للإنسانية معنى الجمال , ولو بقيت الدنيا من السنين ملايين لن و لم يأتى مثلها , هى وهى فقط , وهل من الممكن أن يأتى مثلها ؟, ولم أسأل سؤالاً لن تكون إجابته غير النفى المطلق , ولكن يبقى مع كل ذلك بعدها عنى وبعدى عنها مثلما كانتا الأرض والسماء منفصلتين , ولكن أملى أن يجمعنا القدر كما جمع ربى الأرض والسماء فى كرة واحدة تسبح فالفضاء كما سنسبح نحن فى بحور الحب.
- مكان ضيق مثل جراب النظارة ولكن تحشر به أكثر من نظارة للأسف , ما علينا , هذا المكان يزداد به الإناث عن الذكور كما تزداد النسبة فالبلد , وياريت كده وبس دول قطط مخربشة كمان , ما علينا , ده كمان دكاترة ماشية على هواها وجدول على مزاجهم وأوامر ودرجات شغل ذل على الآخر , ما علينا , ده كمان الكلية زحمة وفيها مييات لمكان يمشى مع عشرات بس , ما علينا , ده غير كمان إن مشوارها بعيد , ما علينا , بس بعد كل ده أكتر حاجة بحبها فيها إنها واطية عن الأرض , يمكن عشان أنا حاسس إن ده مقامها ؟
- تأتى إليك يوماً تخفض فيه صوتها عن العادى, وتنظر لك مرة ومرات على الأرض ,وتتشابك أيديها من كثرة كسوفها , ويحمر وجهها خجلاً يجعلها تكاد تمسى مثل الرمان , وتقول لك فى كسوف أعرف يا حبيبى أننا متزوجون من إسبوع فقط ولكن سامحنى لأن الأكل إحترق منى لسابع مرة.
- سألوه هذا الغلبان مرة أخرى , لم أنت على هذا الحال؟ , ولم لا تفعل مثل فلان وعلان ؟ , ولم لاتبرح مكان ان يكون لك فيه أموال؟ , وقال متعجباً أتدرون أنهم لهم بالدنيا حظوظ ضحكت لهم وكشرت لى , كانت معهم ولم تكن لى , أمدتهم بما تريدون بالأموال وسلبتها منى , أمدتهم بالفرص وعزتها عنى , ولكن هيهات تفهمون ما أقول , وكان الأسى قد ملأ قلبه ولم يكن يرى أن هناك من يفهمه بدنياه وراح يواسى نفسه على حاله ويناجى ربه بقلبه آملا أن يعتدل حظه وأن يكفى أعدائه عنه.
- أحبها ورآها بعيدة عنه , ولا يراها كل يوم , وجاء إلي وقال عنها وبعد أيام قليلة أكتشف أنها مخطوبة , وإحترق قلبه غيظاً وكادت عيناه تدمع أمامى وواسيته وقدرت إقناعه أن نصيبه فالدنيا أن يحب ولكن عليه أن يصبر لعل يبعث إليه من يحبها أكثر منها وتكون توأم روحه وشريكه حياته الحقيقية , وعجباً له إذ إقتنع بكلامى وحتى ولو لم أكن أنا كذلك وإبتسم لى شاكراً.
- سعادة العين فى مكان يحسسك بالبهجة وسعادة العقل فى حل كل مشاكل الحياة وسعادة النفس فى تقضية كل ديونها وسعادة الفم فى مضغ ما أحبه المرء وسعادة القلب فيمن كان لربه ذاكر.
>>>>إنتظروا منى قريبا قصة (عبده سيد المنيلاوى) يوم 14 مارس بإذن الله

هناك ٦ تعليقات:

Rania Lelah يقول...

كويس و الله انى اول تعليق
بجد مش عارفة اقولك ايه
كلامك حلو بجد
افكار مختلفة متناقضة
بس كلها واقعية و معبرة

تحياتى

كلية السياحة والفنادق يقول...

الى رانيا
متشكر اوى على تعليقك الاول الرائع وياريت توضحيلى موضوع متناقضة ده
تحياتى لك

المـــفـــــــقــــــــوعـــــة مــرارتـهــا يقول...

تأتى إليك يوماً تخفض فيه صوتها عن العادى, وتنظر لك مرة ومرات على الأرض ,وتتشابك أيديها من كثرة كسوفها , ويحمر وجهها خجلاً يجعلها تكاد تمسى مثل الرمان , وتقول لك فى كسوف أعرف يا حبيبى أننا متزوجون من إسبوع فقط ولكن سامحنى لأن الأكل إحترق منى لسابع مرة.


حصلت معايا تلات مرات
كانت حماتي مهادياني ببوفتيك وحرقته تلات ايام وري بعض ... بس جوزي كان بياكل ومابيتكلمش ... خاف اتعقد من الطبيخ
لو قال انه وحش ولحد دلوقتي بيشهد بشطارتي في اني خليت الاكل المحروق حلو

كلية السياحة والفنادق يقول...

الى المفقوعة مرارتها
هنيئا لزوجك بالأكل المحروق بس حرام عليكى تحرقيله كل شوية - حبة حبة-
يمكن يكون ماكنش بيتكلم مش عشان تتعقدى عشان هو بيحبك ومش عايز يزعلك
أتمنالك أكل تسوية صح الصح بعد كده
تحياتى لك وسلامى للحماة
محمود

غير معرف يقول...

مش عارفه اعلق اقول ايه


هو يمكن بعض الجزئيات مقدرتش اوصل للمعنى الحقيقى ليها (ممكن علشان انا مش مركزه دلوقتى )

بس بعض الجزئيات الى فهمتها (معلش اصل الكليه خلصت على عقلى )حسيت فيها فكر عالى


مش عارفه ليه حاسه انى بقيت بتفلسف كتير الايام ديه


لا بجد بوستك جميل ده حتى انا مش عارفه ازاى مدخلتش المدونه ديه قبل كده


تحياتى

ومستنين بوستك الجديد

كلية السياحة والفنادق يقول...

الى الدكتورة نور
تعليقك الجميل محفز وشرف ليا فالبداية
وزيارتك لمدونتى شئ جميل
أتمنى زيارتك الدائمة
وأنتظرى زيارتى لمدونتك
تحياتى