الثلاثاء، 4 سبتمبر، 2007

الناس سواسية كأسنان المشط ,,,, ولكن تبقى أصابع اليد مختلفة


قالوا للصبر حدود قلت لم أرها أكيد مررت بها من زمااااان0
-----------------
فالكليات , المدرج يقسم كالأتى: أول 5 أو 6 صفوف للمركزين مع الراجل
الـ 7 , 8 اللى بعديهم طلبة بيلعبوا بالموبايل أو فى موال تانى,,
منه بقى لحد الآخر ناس فالضياع همهم الحضور وخلاص وفيهم اللى قاعد على الأرض وينده:ها..خلص ولالسه.

------------------
البنات أنواع : واحدة شايفة نفسها نفسها حلوة زيادة عن اللزوم ومغرورة عشان كده مابتقعش غير فالمغرورين اللى زيها
وواحدة زى القمر بس مش حاسة بكده عشان كده بتتوفق مع واحد أمه دعياله وهايقدرها صح,,
وواحدة همها من متاع الدنيا من مال وجاه وغيره ودى أكتر واحدة بيتعمل فيها مقالب إستمارة 6 ,,
وواحدة مقتنعة إن الدنيا كفاية عليها الستات فبتعيش طول عمرها وحيدة فى سبيل أهداف مش هاتفيدها بحاجة.
وواحدة عايشة الحياة بحرية بعيدة عن حدود الأدب مع الشباب وعجباها الدنيا كده.
وواحدة أنثى شكلاً ولكنها راجل تفكيراً و تصرفاً. ودى أجدعهم فى نظر ناس وشاذة فى نظر البعض الآخر.

--------------------
ياما سؤال (ليه كده؟) ودا ناس فى داهية أو على الأقل خرجهم عن حدود أدبهم وشعورهم كتير0
الشاب المذبذب عندما يرى الفتاة التى أعجبته فيقول فى نفسه ( أنا ليه ماتجوزهاش؟) وبعد الجواز بشهر يقول فى سره (أنا ليه إتجوزتها؟0

--------------------
إسأل واحد إتهرى تجربة وبعدين إبقى إسأل الطبيب0
--------------------
أمثلة الناس الغربية ( يدى الحلق للى بلا ودان ) لما لما ندّى الحلق للى بلا ودان هو هايعمل بأمُها إيه؟
--------------------
القفة أم إتنين يشيلها الراجل لوحده لحد ماينقطم وسطه والهانم تنبسط0
---
-----------------
فى أمثلة الفلاحين ( أربطيه بحتة عيل) يعنى حتة واحدة , إيه بقى اللى يخليها تجيب خمس ست حتت؟

فإن سألوك عن الكفت , قولهم روحوا إسألوا الثوم0
فإن سألوك عن السلام , قولهم روحوا إسألوا مبارك0
فإن سألوك عن السعادة, قولهم روحوا إسألوا راحة البال.0
فإن سألوك عن الدهاء , قولهم روحوا إسألوا اليهود0
فإن سألوك عن الندم, قولهم روحوا إسألوا المتزوجون0
فإن سألوك عن الجبن, قولهم روحوا إسألوا طعمة0
فإن سألوك عن البلطجة , قولهم روحوا إسألوا غزّة0
فإن سألوك عن الزحمة , قولهم روحوا إسألوا المصريين0
فإن سألوك عن الرحمة , قولهم روحوا أطلبوها من رب العالمين0

‏هناك 6 تعليقات:

sa'7so'7te يقول...

مش معقول كل مرة ابقى اول واحدة ارد :)
انت بتفكرنى بيوسف معاطى او بمقالة مواقف فى اخر الاهرام
كتابتك كلها لايت و لذيذة
بس تعالى هنا قوللى
انت بتقعد فى انهو بنش

يا مراكبي يقول...

بداية موفقة إلى حد كبير .. أنا عارف إن في البداية بتكون فيه شحنة أفكار مركزة وبتطلع في شكل الحكم الصغيرة المختصرة .. لكن بعد كده هتكتب بالتفصيل في كل فكرة على حدة لما زمة الفكار دي تخف شوية شوية

أهلا بيك في عالم التدوين .. إضافة جديدة بلا شك

Mahmoud يقول...

زدتينى شرفاً بكونك أول واحدة ترد على الموضوع - وحلوة منك التشبيه بتاع يوسف معاطى مع إنى موصلتش للمستوى ده - ومعلومة جديدة , أنا لما قولت إنى فى كلية من كليات القمة مقصدش كلية طب ولا حتى صيدلة - أنا بلا أدنى فخر فى كلية السياحة والفنادق جامعة حلوان - وهى فعلا من كليات القمة وتطل على النيل - صف أول - وإن كان يجول فى فكرك إن الكلية دى تعبانة أو بتاعه طباخين وسفرجيه على حسب المعلومات الخاطئة المشاعة - فأحب أقولك إن الناس ممكن يعيشوا من غير مهندسين وممكن يعيشوا من غير مدرسين وممكن يعيشوا من غير محامين ويتخانوا عادى يعنى وممكن كمان يعيوا ويموتوا ويخلوصوا من الدنيا لو مفيش دكاترة - لكن مستحيل يعيشوا من غير اكل ولا شرب وتسويق ولا أدب الضيافة ولا حسن المعاملة ودى كانت اكتر الحاجات اللى بدرسها فالكلية - وعلى حكاية البنش فأنا أفضل الخامس لأنه بيفكرنى بإنسانة حبيتها كانت دايما تقعد فيه - واخيرا وليس أخرا أحب أشكرك على ردك الجميل أتمنى أسمع ردودك الرائعة بإستمرار أتمنى لك النجاح-------تحياتى

-----------------------------------
الى اخى الاستاذ (يا مراكبى) أشكرك على تشريفى المونة المتواضعة وعلى تعليقك الجميل وترحيبك الرائع بى على عالم التدوين - أحب أوضح فكرة مهمة وهى إنى عندما قررت تدوين موضوعاتى فى شكل حكم مختصرة فإنها لن تنفذ بإذن الله وإنى عليها قادر بالاستمرار وإن كان موضوع شرح كل حكمة بالتفصيل فالذهن لا مفر منه وانى عازم على فعله - ولكن تبقى تلك الحكم لأولى الالباب قد يستفيدوا بها يوما ما - فالنهاية أشكرك من كل قلبى على إضافتك الجميلة وأتمنى لك النجاح - تحياتى

sa'7so'7te يقول...

:S
ana wallahe magebtesh seret seya7a we fanade2 la bel3eb wala 2gro2 2ageb seretha bel'3alat madam sa3adtak feha yafndem :D
enta fag2a fakkartene be
"elprince" fe film kda reda :D

Mahmoud يقول...

الى سخسوختى - انا مقصدتش أقولك الفكرة بالطريقة اللى انت فهمتيها دى , ياستى مادام انت اللى هاتتكلمى على سياحة وفنادق يبقى برطعى براحتك ولا يهمك - وعلى موضوع البرنس ده فأنا فى رأيى الشخصى مفييش منه الا بعض الرتوش ده ان كانت مش ظاهرة اصلا- بس تشبيهك على العموم جديد واول مرة اسمعه منك انت بس وبلاش موضوع يافندم ده - احنا كلنا ولاد تسعة أو سبعة تفرق ساعات - المهم كلنا اتولدنا بطريقة واحدة , بس هو فى كمان قيصرى بتفرق ساعات برضه - شوفى المهم ان كلنا مصريين وبنى ادميين فى نفس الوقت - أشكرك يا سارة او سخسوختى الجميلة على ردودك الجميلة - واتمنى لك النجاح والتوفيق - تحياتى

محمد الجرايحى يقول...

أخى الكريم : محمود
السلام عليكم ورحمة الله وبركاته
مرحباً بك فى عالم الصحافة الشعبية
سعدت بالتعرف على مدونتك وشخصك
وأعجبنى أسلوبك المميز والمتفرد
بداية قوية وإن شاء الله دائماً
فى تألق ونجاح
وأشكر أخى أحمد المصرى
لأنه أتاح لنا فرصة التعرف بك

كل تقديرى واحترامى
أخوك
محمد