الاثنين، ٣ سبتمبر ٢٠٠٧

مشاهد 00تغيظ!!0 ولكن تبقى حيرتى كما هى


لقد طالبن النساء بالمساواة منذ سنين مضت, ولكن يجب أن يطالب الرجال بالمساواة الآن:
مشهدين رأيتهما بعينى ولم أصدق أى منهما فوراً وهما دليلين على مدى تقدم المرأة العربية
الاول: كان على بحر(جدة) : زوج لا يدخن وزوجته بجانبه ...... بتشرب شيشة0
الثانى: كان فى (سموحة) : أم وإبنها الصغير جالسين على مقهى , وهى تتحايل عليه أن يشرب اللبن بيد وفى يدها
الأخرى تمسك بالشيشة ...... ما أعظمها قدوة!!0

------------------
أخترت لك مشهدين مما يتكرر كل يوم على كورنيش النيل فأيهما أصح؟0
الاول: شاب وفتاة جالسين على أريكة يشاهدون جمال النيل والشاب يبصق فى أذن الفتاة الغلبانة بكلام خيالى
مالوش لازمة وهى سعيدة بذلك ونراها مريحة رأسها على كتفه0
والثانى: شاب وفتاة يتمشيان على الكورنيش وبرضه هى ساندة رأسها على كتفه وممسكة بإصبعها الصغير فى
إصبعه وتستمع لنفس البصق بتاع الشاب الاولانى. أتعرف أيهما الأصح؟ ..... كلاهما خاطئين بالطبع0
------------------
قمة الغباء اللى فالدنيا أن تضع البغبغاء معك فى غرفة النوم ليلة الدخلة وتخرجه للضيوف فالصباحية0
------------------
الفشّار هو ذلك الذى يقنعك أن الدنيا كلها عنده فالبيت وهو نفس الشخص الذى يسألك فى سلفة إتنين جنيه0
------------------
كل من يفتى فالدين على مزاجه تجد أنها كلها مواضيع لا أخلاقية0
------------------
عقول شباب اليوم مليئة بالمال والسلطان و النساء وبعدها فراغ واسع0
------------------
لكل الشعوب العربية زى عام خاص بهم للرجال وآخر للنساء ........ لا تطبقوا النظرية على مصر0
------------------
سوف أعيش دائماً فخور بوطنى الأم مصر ....... إنسوا الموضوع فلن أفعل ذلك أبدا0ً
------------------
كلما أفكر فى موضوع صعب يظهر لى الله يرحمه عبد الحليم بصوته العذب قائلاً الناجح يرفع إيده فترتسم على شفتاى
إبتسامه الرضا وبين غفلة عين و إنتباهتها أجده يقول لى فى شدة: وطريقك مسدود مسدود يا ولدى0
------------------
من أحب النكد بلا سبب مجنون ومن عشقه لسبب عبقرى0
------------------
من وحى الأمثال : إبنك على مايفكر يتربى وجوزك على مايفكر يرجع لحالته القديمة0
من وحى الأمثال : إن كان حبيبك عسل إتأكد إنه أمتنان0
من وحى الأمثال : اللى بينفخ فى إربه مقطوعة ... أكيد نفسه هاينقطع يعنى0
و لا اييييييييييييه؟؟؟؟؟؟؟0

هناك ٣ تعليقات:

sa'7so'7te يقول...

بيعجبنى تخبطك فى الكتابة اوى
كل ما اركز معاك فى فكرة تنقلنى للفكرة اللى بعدها
و دى حاجة رغم انها متعبة الا انها لذيذة لانها بتحسسنى انى فى عقل و تفكير البنى ادم ده بجد لان العقل بيتنقل من
فكرة للتانية من غير مقدمات
انت نقلتنا من فكرة الحرية الزايدة اللى فى الشيشة بتاعة البنات
لنقطة الانحلال اللى بتحصل على الكورنيش و التسيب الزيادة فى البيوت
لنقطة شباب الجامعة و الهبل اللى بيحصل فيها
و فجأة نطيت على الامثال اللذيذة دى
بس كل النقط دى اللى اتكلمت فيها مهمة و بجد بوست جميل

nosha يقول...

دي أول زيارة ليا للمدونة بتاعتك وإن شاء الله مش آخر زيارة
وبالنسبة لكلامك ده بقى والله العظيم أنت بتتكلم كلام زي الفل وكلام كله بجد اللي يفهمه كويس هيلاقي فيه حاجات لازم يتعلمها ويعرفها كويس جداً
ولو إني معارض معاك في حاجة صغيرة كده
تحياتي ليك

كلية السياحة والفنادق يقول...

الى sa'7so'7te - إن ردودك تزيدنى شرفاً وسعادة بإسلوب شخصية راقيةذات عقل متفتح , وأشكرك على تعليقك وأتمنى دائماً منكِ على تعليقات جميلة مثلك - تحياتى
-----------------------------------
الى nosha أشكرك على تعليقك وعلى مجاملتك الجميلة لكلامى وأتمنى أن نتناقش سوياً فى النقاط التى تعارضنى فيها , وأتمنى لك النجاح - تحياتى