.

الجزء الثالث :عبده فى زيارة لأهله فالأرياف

2008-04-06T20:38:00.004+03:00

مانسيش عبده الميت ألف ريال اللى دفعهم غرامة وكان ده السبب اللى خلاه مخنوق ومش طايق يكلم حد، ده حتى يوم راح شركته وقالهم شوفوا شغلكوا وخلاص عشان انا هاخد أجازة كده كام يوم أفك عن نفسى شوية.وسافر عبده على بلدهم اللى بقاله أكثر من خمس سنين ماشفهاش، بلد عبده كانت (كفر المرابعين) فى كفر الشيخ بلد أهلها طيبين زى صاحبنا عبده-عانانياتهم- عبده كان رايح عشان حاجتين أولاً لأنه بقاله كتير ماشفش الحاجة أم الخير أمه اللى مشفهاش من سنتين من ساعة أخر مرة زارته فيها فى أوضته أيام ماكان قهوجى ، ثانيا عبده عزم الأمر أنه يبنى بيت كبير وأرض زراعية ويكمل نص دينه ويبعد شوية عن حلمه ويحاول ينسى أيام الفقر الطويلة ويتنغنغ شوية بالملايين. دخل عبده البيت القديم اللى نصه معمول من الخشب القديم والنص التانى من الطوب اللبن ، ده بيت عم سيد المنيلاوى بتاع الدخان الله يرحمه ، لم يطرق عبده الباب ودخل على طول فوجد أمه ترقد على الكنبة الخشب التى لا يغطيها سوى الحصير وأمه صانعه من يديها مخده، دمعت عيناه لوهله ولام نفسه أنه كيف نسى أمه الغلبانة لمدة شهران من ساعة ما أصبح ملونير. مسح دموعه ودخل على أمه ولم يوقظها بل جلس بجانب الكنبة على الأرض منتظراً أن تصحو من تلقاء نفسها. وبعد وهلة صحوت الأم ونظرت لتجد أمامها أبنها الوحيد عبده ، أبتسمت الأم وحضنت أبنها سريعا وقالت فى نغمة فرحة فى صوتها: حبيبى يابنى، أخيرا جيت تشوف أمك ، ولم تنس أن تقبله على وجنتيه ، وبعدها لاحظت على أبنها الملابس الفخمة وظهرت على وجهها علامات الدهشة والإستغراب وقالت إيه الألاجة دى يا وله ، الظاهر ربنا فتحها عليك. فرد: دى بركة دعاكى يا ست الكل الحمد لله ابنك دلوقتى بقى واحد تانى وبقى معايا فلوس كتير اوى يامه وهاتعيش عيشة تانية خالص يا أم عبده. تجشم وجه الأم سريعاً وقالت فى صوت أجش: الفلوس دى حلال يا ولدى؟ أمك لا يمكن تعيش بفلوس حرام أبدا. وبادرها بالقول: اه طبعا ياما حلال امال ايه ، هو انت برضه تشكى فى تربيه ابنك برضه. ولم يمر إسبوع حتى أشترى عبده الأرض وأمر ببناء البيت الكبير والغريب أن كل الأمهات يرفضن أن ينتقلن خارج بيوتهن ولكن أم عبده وافقت بدون نقاش.وفى أول يوم لعبده وأمه فالبيت الكبير وأمام التلفاز وهما جالسان على الأرض تاركين الكنب والكراسى ، سأل عبده والدته: مش عايزه تفرحى بإبنك يامه؟ ، قالت: خير ياولدى طبعا حد يكره الفرح لولده؟ ، فقال والأبتسامة تعلو وجهه: أَمَهَ انا عايز اتجوز وقولت أخد بنت من بنات بلدى متربية أحسن من بنات مصر يعنى. قامت الأم فى عجل وأطلق عدة زغاريط فى جميع أرجاء المنزل ولم تكن لتهمد لولا أن أسكتها عبده وقال: يعنى موافقة يامه؟ فردت: طبعا يا عبده ، الحمد لله إنى عشت وأشوفك متجوز ياوله ، ألا قولى انت حاطط عينك على بت من بنات البلد؟ ، فقال: إزاى بس يامه أنا بقال أكتر من خمس سنين ماجتش البلد لاعرف البنات بقى شكلهم ازاى ولا أعرف مين اللى اتجوز ولا مين ماتجوزش؟ فقالت الأم والإبتسامة تغزو شفتيها: عروستك عندى ياوله ، فرد بلفهة: هى مين يامه؟ قالت: فاكر البت جميلة بت حسين أبو الليل؟ قال بأسلوب إستنكار: حسين أبو الليل بياع الدخان؟ ده راجل رزل وعمره ماقال كلمة حلوة لحد ، أينعم البت جميلة وهى صغيرة كانت زى فلقة القمر بس أبوها ده بنى آدم ماينفعش يتناسب. فردت الأم والأبتسامة مازلت على وجهها: لا يا وله حسين مات من سنتين خلاص والمسؤول عن البت وعليتها دلوقتى خالها عاصم ، أصل أعمامها ماصدقوا أن حسين مات فخدوا نصيبهم من الميراث وهجوا على مصر، يعنى الطريق خالى قدامك يا وله. فقال وظهرت الإبتسامة على وجهه من جديد: عندك حق يامه ، وكمان عاصم ده كان راجل صح وكان صاحبى ياما لعبنا سوا زمان ده حتى الناس كانوا فاكرين أنه أخوها الكبير مش خالها لأنه كان أصغر أخوات أمها وسنه قريب من سنها، على العموم يامه روحى بكره عندهم وجسى النبض وشوفى كده إذا كان فى حد متكلم عليها ولا حاجة. وذهبت أم الخير تانى يوم وكان عبده فالبيت الجديد يمشى ذهابا وأيابا من القلق منتظرا لأمه يريد أن يعرف موقفه فالجوازة دى ، وبعد فترة قصيرة كانت عنده طويلة جدا ، سمع عبده جرس الباب فجرى للباب وفتح لأمه وقبل أن تخطو خطوة داخل البيت بادر بالسؤال : ها يامه ايه الأخبار؟ طمنينى. فقالت: هه إستنى يابنى لما أخد نفسى . فقال : ها يامه قولى ماتعمليش فيا كده. فنظرت له فى عينيه بإبتسامه وقالت: ألف مبروك عليك جميلة يا عبده. فقام عبده وقبل أمه وجرى فى أنحاء البيت ويقول: هاتجوز.. هاتجوز.. ياهوووو.. هاتجوز.. هاتجوز. ضحكت الأم بعلو صوتها وقالتله بصوت عالى لأنه كان بعيد عنها: هانروحلهم يوم الخميس عشان نقرا الفاتحة ، ولم يتوقف عبده عن ابداء فرحته بالجرى والقفز وكمل قائلاً : الفاتحة.. هاتجوز.. هاتجوز.. الفاتحة.. ياهوو لولولولولى.
(( الجزء الرابع : عبده فالخطوبة وكتب الكتاب))

الجزء الثانى : عبده فى بلاد الحجاز

2008-03-25T02:04:00.001+03:00

وجه ظابط المطار بعد ما إتخنق من عبده راح واخده على مكتب مدير أمن المطار , وهناك لقى إن مدير الأمن واحد مصرى زيه, المدير بستف فى عبده شويه على الحركات اللى كان عملها فالمطار دى , وحاول يعاتب المدير على إنه إزاى يعمل فى مصرى زيه وإبن بلده كده. المدير كان بيحب شغله جداً وزى مابيقولوا مايعرفش أبوه, وعشان طريقة عتاب عبده المنيلاوى اللى خلت المدير يشفق على مصر منه ومن أمثاله،وقاله: شوف انا لو شفتك فالبلد دى تانى أو حتى سمعت إسم شركتك ده ولو بالصدفة مش هاسيبك، المدير عاقب عبده بدفع غرامه وتعويض للمطار بقيمه ميت ألف ريال. عبده المليونير عارف ان رقم ميت ألف ده ولا حاجة بالنسبة له ، وبسبب تصرف مدير أمن المطار المصرى ، عبده راح قايله : بس كده هارميهملك عالجزمة القديمة. المدير كمان شاط من عبده واضح ان عبده حالف انه يخلى كل من يقابله يشيط من عمايله وإسلوبه ، فمرة الحاج المصرى ومرة ظابط سعودى فالمطار ومرة مدير أن المطار بحاله لأ ولسه. دفع عبده الغرامة وهو حريص ألا يبدى أى إهتمام وهو رافع أنفه الى السماء وكأنه بالظبط بيدفع جنيه وربع. ولكن عبده وهو خارج من المكتب تبدل وجهه ونظر الى السماء وقال: بقى يارب أول ماتتعدل أدفع غرامة بالمبلغ ده وفى أول يوم شغل أمال لو كملت سنة عالحال ده هايكون حالى ايه ، أنا أكيد إتنظرت وفلوسى إتحسدت. ووقفه مسافر مصرى لما سمع لهجته وقاله: ألا قولى وحياتك انا مراتى إتصلت بيا دلوقتى من مصر وفى مشكلة ولازم أرجع حالاً متعرفش أحجز تذكرة عودة منين؟ ، سمع الجملة دى صاحبنا عبده القهوجى وحدقت عيناه وإبتسم إبتسامة خبث ورد على الراجل وقال: شوف يا باشا خش التورئة الجاية دى شمال هتلاقى مكتب مدير أمن المطار روحله وقوله إنك من طرفى وعلى فكرة هو مصرى وهايكرمك بالجامد. الراجل قاله طب وإيه دخل مدير أمن المطار بحجز التذاكر بس، قاله: عشان بس هو مصرى بيكرم كل المصريين ، أقولك قوله إنك عايز تسافر تبع شركة إيه إس إم بتاعه المصرى الجامد طحن عبده سيد المنيلاوى وهو هايقطعلك التذكرة طوالى. رد عليه: خلاص ماشى، ألف شكر يا..... ألا إسم الكريم إيه؟ ، إرتبك عبده وقاله: إسمى... اه إسمى تامر .. تامر هيثم. إبستمله الراجل المصرى الغلبان وقاله: تشرفنا يا إستاذ تامر وألف شكر. فقاله عبده لا شكر على واجب داحنا مصريين زى بعض يا راجل خش إنت بس عنده هاتدعيلى دعا، يلا سلام.
وبما أن ماكنش فيه رحلة عودة قرر عبده أن الطيار المساعد يرجع لوحده على مصر ويقضى هو يوم ولا يومين فالسعودية ، أصله قال فى نفسه: ماهو ماينفعش أجى الحجاز لأول مرة فى حياتى وأرجع كده على طول مش غير ماشوف فيها حاجة ولا أصليلى ركعتين حتى ، ده حتى تتبقى عيبه.
عبده عمل حسابه إن يروح الأول على مكة يصلى هناك ويدعى لأبوه وأمه اللى توفوا من سنين. وفعلاً عمل كل ده وبعدين راح على المدينة وزار قبر النبى)ص) وقرا الفاتحة وراح راجع على المطار حجز لنفسه تذكرة رجوع على مصر ، وهو فى قاعة الإنتظار لمح إتنين من ظباط الأمن بيضربوا فالراجل المصرى الغلبان جوا مكتب، عبده إترعب وخاف أن الراجل يشوفه فيشاور عليه ويقولهم هو ده اللى قالى أجى هنا، وراح عبده مستخبى تحت الكراسى وأول مانفتح باب دخول الركاب كان أول واحد واقف وجرى على الطيارة. وجوه الطيارة وبعد ماقعد عبده فى كرسيه إفتكر إنه معاه الكروت اللى طبعها للشركة بتاعته وجت فى دماغه فكرة مجنونة إنه يقوم يوزع الكروت دى على الركاب عشان يكسب زباين. وفعلا قام عبده وقف قدام أول كرسى وبعلو صوته قال: اللى يحب النبى يركز معايا، أنا صاحب شركة الطيران الجامدة أوى إيه إس إم للطيران حوالين الكرة الأرضية طيارة مفيش زيها فالعالم طيران مفيش زيه فالدنيا وأمانة وأسعار مش هتلاقيهم غير عندنا. وراح على واحد واحد وإداله الكارت فى إيده وفيهم كتير اللى إستغربوا على الإسلوب ده وفيهم اللى قعد يضحك وإفتكرها فقرة كوميدية عاملها المطار كنوع من إطمئنان الناس قبل الطيران. وجت المضيفة بسرعة لعبده وكلمته بإسلوب فيه حدة وإحترام فى نفس الوقت وقالت: ميصحش كده يا إستاذ اللى انت بتعمله ده لو سمحت إتفضل إقعد مطرحك عشان الطيارة هاتتحرك كمان خمس دقايق إتفضل. وبص عبده للمضيفة وبص على الناس حواليه لقى كله بيبصله نظرة حس منها إن شكله بقى وحححححش أوى ، فلم يرد على المضيفة وإكتفى بإيماء رأسه بالموافقة وراح على كرسيه ومفتحش بقه لحد ماخرج من الطيارة فى مصر.
يتبع.....................................................
الجزء الثالث (عبده المليونير فى زيارة لأهله فالأرياف)
((أعتذر على أخلاف موعد نشر القصة نتيجة لظروف خارجة عن إرادتى وأشكر من تابعونى ودعمونى))

أعذرونى..........

2008-03-22T00:42:00.002+03:00

أرجو معذرتى لعدم نشر الجزء الثانى من القصة , وذلك نتيجة لظروف طارئة فى دراستى حالياً وعدم إستطاعتى إكمال الجزء التانى حتى الآن. وبإذن الله سوف أقوم بالنشر يوم الثلاثاء القادم بإذن الله .... شكراًًًًًًًًًًًًًاااااااااااااااااااااً

من القاع إلى القمة , ورزقت من وسع

2008-03-14T08:13:00.004+03:00

قصة خيالية من تأليفى عن الأغنياء الأميين , صاحب القصة والشخصية المحورية المعلم (عبده سيد المنيلاوى) اللى كان فالأصل قهوجى وربنا فتحها عليه و(رزقت من وسع)ودى كانت آخر كلمة كان قالها لصاحب القهوة قبل ماسيب الشغل, محدش لحد النهاردة يعرف عبده أو المعلم المليونير عبده بيه المنيلاوى جاب الفلوس دى كلها منين , اللى قال لقاها فى بيت مهجور وقديم واللى قال يدى الحلق للى بلا ودان واللى ظلمه وقال عليه إنه سرق سريقه وقالوا وعادوا كتير , المهم المعلم عبده كان من صغره كان بيحب الطيارة ودايما كان عينيه تتعلق مع كل طيارة يشوفها فالسما ويقول فى نفسه ياما كان نفسى أكون طيار , وفضل عبده يفكر فى حلمه بعد ماإغتنى وجات فى باله فكره مالهاش مثيل إنه يتعلم الطيران ويشترى طيارة ركاب ويبقى هو سواقها رايح جاى كل يوم يلف بيها أرض الله الواسعة فى كل بلاد النيا, الحلم إمتلكه مابقاش يفكر غير فالحلم ده , قال فى نفسه أول حاجة أعملها أروح أحسن مدرسة طيران فيكى يابلدى وأتعلم الطيران على حق وفعلا راح وإتعلم وصرف وجاب كل حاجة وإشترى الطيارة وجهز نفسه زى الفل ,مش بس كده ده المليونير عبده سيد عمل كمان شركة طيران خاصة بيه وبس وفيها طيارة واحدة بس اللى هو إشتراها واللى هو بيسوقها وسمى الشركة بإسم ( إيه إس إم للطيران حوالين الكرة الأرضية ) والحروف المختصرة كانت على إسمه بالكامل طبعا , وجه ميعاد أول رحلة , الرحلة كانت وجهتها المملكة العربية السعودية , وده لأن عبده حب تبقى أول رحلة تودى حجاج ومعتمرين لأرض الحجاز وتبقى بركة عليه وعلى الطيارة وعلى الشركة الجديدة , المهم بما إن المليونير عبده المنيلاوى(الوله عبده القهوجى سابقا) كان إبن بلد ويحب الجو البلدى فكانت الطيارة من جوا غير أى طيارة تانية ممكن يكون حد شافها , الطيارة كانت الأولى من نوعها, ليه بقى؟ , زى ماكانت القهوة اللى كان شغال فيها متقسمة كراسى عالشارع وكراسى جوا القهوة , عبده أمر المهندسين بتصميم جديد لطيارته اللى كانت بالمناسبة مكتوب عليها من بره ( محروسة من العين يا عروسة) , المهم المهندسين عملوا زى ما المليونير أمر , وبقت الطيارة كلها قسمين , قسم الكراسى فيه صف واحد موازى للشبابيك عشان يتفرجوا براحتهم ودول طبعا دافعين أكتر والقسم التانى قاعدين فى ضهرهم صفين ورا الصفين اللى بيبصوا عالشبابيك بس دول بقى بيبصوا على بعض , آدى التخلف اللى على ودنه , الراجل خلى الناس اللى دافعين أقل قاعدين باصين لبعض , على أساس إنهم يزهقوا ويقوموا يمشوا وييجى غيرهم زى القهوة. ,, ما علينا ,, الراجل عبده المليونير وصى مغنى مشهور يعمل على صوته نداء التلبية اللى الحجاج بيقولوه وهم رايحين أرض الحجاز ,وده مقابل مبلغ محترم طبعاً, المعلم عبده خد باله قبل طلوع الرحلة بيومين إن الطيارة متقسمة من جوه لكذا منطقة بيفصل بينهم بابين وفى بابين وبينهم مطبخ ,المهم عبده صاحب الأفكار الجهنمية فكر إنه يأمر المهندسين يقفلوا عربية أو قسم يبقى للمدخنين بس عشان وَحَشُه أوى جو الدخان والكلام ده , بس طبعاً اللى هبوا فيه كتير وقالوا ماينفعش وحرام إنك تخلى الحجاج اللى رايحين يكفروا عن سيئاتهم ويزوروا بيت الله الحرام يشربوا شيشة ومعسل فالطيارة وهما رايحين , إقتنع عبده لوهله بوجهة نظرهم بس للأسف الشيطان شاطر ورد عليهم على طول وقال : هو إحنا هانطلع كل رحلتنا للحج والعمرة ولا ايه إحنا المفروض نلف العالم كله وهايبقى معانا أجانب كتير يبقى لازم نكرمهم ونودعهم بالشيشة المصرى المعتبرة , فالنهاية إمتثل المهندسون لأوامر المليونير عبده وفلوسه ووافقوا وعملوا زى ماهو عايز بالإضافة لشفاط كويس يخرج الدخان من الطيارة عالسحاب عِدِل , ودخل الطيارة يوم أول رحلة وجه عبده طبعا زى ماحنا عارفين اللى ينسى أصله عمره مايلاقى فى حاضره وصلة , عبده بيه المليونير مانسيش أصله وجاب مساعد طيار يبقى جنبه وهو بيسوق وأول ماطلعوا لمستوى يسيب فيه الطيارة للمساعد سابها طلع يخدم بنفسه للحجاج الشاى والقهوة والسحلب والجنزبيل وده طبعا بعد ماغير هدومه لهدوم قهوجى بس صراحة هدوم جديدة ونظيفة عشان تليق بقهوجى طيارة , وده لأن عبده ماكنش بيعترف بحاجة إسمها مضيفين وكان بيفكر يجيبهم بس عشان يخدموا الأكل إنما الشرب ده بقى لعبته , الغريب إن الحجاج ماستغربوش كتير لما شافوا قهوجى فالطيارة وكمان ماكنوش يعرفوا إنه هو هو الطيار , والأغرب إن عبده فى أول رحلة يطلعها يسيب الطيارة فى وسط السما وفى وسط الطريق للطيار المساعد بس عشان يقدم المشاريب للناس , الظاهر كده إن أصله غلب حلمه ويمكن عشان عاش الأصل ده ودى كان أول مرة يعيش الحلم فمأقبلش عليه بسهولة , وصلت الرحلة بالسلامة وكان المليونير عبده عامل حركة حلوة مع الحجاج وهى إنه كان موصى مدير أعماله يوصى واحد فالسعودية يقف قدام باب الطيارة ويناول كل واحد من اللى نازلين منها لتر من مياه زمزم ده غير البلح , وكان الطريف فالموضوع إن ماكنش فيه رحلة عودة متفق عليها مع ناس , فعبده صعب عليه إنه يرجع فاضى فوقف على باب الطيارة يقول : أيوه مصر مصر مصر , وبالصدفة كان واحد مصرى كان لسه واصل من طيارة تانية شاف عبده وهو بينده بالكلام ده فقال هو ده واحد عبيط وجاى يعيش علينا ولا إيه؟ , فالراجل ماسبهوش وقال هاعيش عليه أنا كمان وراحله وسأله : ألا قولى إنت رايح فين فى مصر؟ , قاله : مطار عبده المنيلاوى اللى فى 6 إكتوبر يا عمنا, الراجل رد عليه : وبتاخد كام فالموضوع ده يا حبيبى ؟, عبده قاله: الصراحة كله من هناك لهنا كان خمس تلاف بس عشان خاطرك يا باشا ممكن اخلصلك بخمسميايه , فالراجل قاله: طب أديك ستميه وتنزلنى فالزنانيرى , فعبده بالسذاجة اللى هو فيها رد : الزنانيرى؟ هى الزنانيرى فيها مطار ولا تحب حضرتك أطير حوالين المنطقة وتنزل إنت بسلم حبل؟ الراجل لما زهق من كتر غباء صاحبنا القهوجى سابه ومشى بعد ماشتمه كام شتيمه , ورجع من تانى عبده سيد ينادى :أيوه مصر مصر ,الطيارة فاضيه يا أخوانا ربعوميت كرسى يا عالم,, وبعدين ظابط أمن المطار سمعه من بعيد فنده عليه , طبعا عبده بالتلقائية وبنفس السذاجة قال: أيوه جااااااااى , الظابط قاله إيش عم تسوى فاكر حالك فى مصر ولا فاكر حالك بتحمل حافلة ركاب دى طيارة يا غبى , قاله : الله الله الله ليه الغلط ده بس يا زُمل ماحنا مع بعضينا برضه أقولك باصيلى إنت بس الركاب اللى تستلأطهم من أى حتة ورايحين مصر وليك على كل راس ميت جنيه منى ،قشطة؟ , والظابط طبعا كان هايشيط وقاله وهو بيحاول إنه يتمالك أعصابه :إيش اللى تجوله ده يا أزعر,الموضوع فيه نظام ومواعيد وتذاكر وتأشيرات وبلا أزرج تقوم إنت تخلى الموضوع بالبساطة دى ؟, قاله يا عم خليها على الله خلى الفقير يسافر........
يتبع.....................................

((ملحوظة : القصة سوف أنشر أجزائها كل جمعة بإذن الله))

وللحياة معانى كثر وتجارب أكثر....

2008-03-09T06:46:00.003+03:00

- قد تعذبك الحياة فتتنكر لها , وقد تبتسم لك فتعجب لها , فالحياة لها من الطباع والتغيير الكثير لا تقدر أنت ولا أنا أن نتحمله أو حتى ندرك سره , على الأقل علينا أن نعجب لها بحق عندما تبتسم لنا.
- وتأتى الثالثة لتكمل مسيرة الجانب المظلم من الإناث فهى ككل الإناث من سنها , تَمَلكها إحساس السجين المحبوس وراء قبضان العادات وتلف حول يديها أساور التقاليد , ربما تخضع هى لكثير منها ولكنها فى قراره نفسها تأبى أن تكون عبده لمثل هذه التفاهات , لا تنتهز الفرصة للتخلص منها , ورغم كل هذا فهى عجباً محافظة على هذه العادات وتلك التقاليد بحذافيرها , هذا لأنها لا تنسى السجان , فهو لا يغادر بوابتها وإن غادر فهو دائماً ورائها حتى فالأحلام , لا أحسدها بالطبع على ماهى فيه , ولكنى أيضاً لا أشفق عليها , إنها إذا أرادت ولو حتى قتل السجان لفعلت ولكن كرهها للقضبان والأساور ليس بعظيم , وإن رضيت أن تذوب فيهما فعليها أن تتحملهما ولو لعبت بها الأقدار طو العمر. كم من ليلة حلمت بالحرية وكم من مرات تكلمت عنها , كم كذبة كذبت لتحصل على حريتها ولكن بلا فائدة. إن حظها بالدنيا يسكنه لون داكن كئيب كالألوان التى يفرضها السجان عليها لترتديها. وتسأل نفسها هل كل البنات مثلى هل لهن حظى هل كلهن حيارى مرهقن هل كلهن من الدنيا زهقن وهيهات تعبث بعقلها وهى تعلم إجابة لذلك السؤال وجاوبت نفسها وتعيد الكرة ولا فائدة , فمثلها كثر وعكسها أكثر ولكن يظل الناس يظنوا خطئاً أن الإناث كورقة صورت مليون مرة ولا تزال تصور حتى الآن.
- عندما أنظر إلى هذا الصغير فى عينيه أرى بحوراً من البراءة , وأسأل نفسى إليه , هل ستتحمل ما بالدنيا من متاعب أم ستفعل مثل الجميع وتعوم مع التيار , هل ستكون دنيتك على أيامك وردية أم ستكون ناصعة السواد كهذه الأيام , أدعو ربى أن يجعلها لك بمبية اللون ومنتعشة الإحساس وطيبة القلب عليك , يااااه كم كان هذا السن رائع , لا تدرك إلا القليل القليل , وتعيش مخدوماً وكأنك ملك الملوك , تلعب وتلهو وتعيش حياة سعيدة أتمنى أن تطول عليك حتى تهرم , كما طالت على حتى الآن.
- الحياة دائماً بها من المتاعب الكثير ورغم ذلك نكن لها حباً كبير , لا يريد منا مفارقتها حتى ولو قست عليه بالسنين, ولا تدرى تلك النفس ماذا تلاقيه فالغد ولا يدرى هذا العقل ماذا هو فاعل بتلك النفس.
- تلعب على الآخرين بعقلها الجهنمى ولا تنسى أن تريهم قدراً من جمالها الفتاك , والناس عندها يقاسون بالأموال , هى الكاذبة بين إخوتها , تفعل عكس ما تقول , هى من كانت لإبليس حليفاً وحبيباً , وتقول عكس ما تفعل, ولكنها ورغم كل هذا لاتريد إيذاء أحد غير أعدائها.
- الحب الصادق كبكاء الأطفال , كله من أجل الغاية , والغاية تبرر الوسيلة , مثلها مثل النفاق , والنفاق مارسه الإنسان على مر العصور فقط للمصلحة والمال , والمال هو من دمر الإنسان حتى الآن , والآن لا يقدر هذا الإنسان الإستغناء عن المرأة , والمرأة لولا وجودها لكان حدث ماهو أفظع من كل هذا.
>>>>>إنتظروا منى قصة (عبده سيد المنيلاوى) يوم 14 مارس بإذن الله :)

تعددت الإناث والطبع واحد...ولكن يختلف

2008-03-07T10:30:00.006+03:00

- تضحك على نفسها , يتملكها إحساس آخر , كمن حولها تحكم على الناس بالخطأ وتعلم أنه الصواب , شابة جميلة وإسمها ليس ببعيد عن صفتها , ولكن تبقى طباعها المختلفة تتعب من حولها , يكاد عائلتها وأصحابها وأقاربها يصدقون أن ليس هناك مثلها على الإطلاق وحتى لو كان فسوف تكون فقط فالأحلام , تعلمت من الحياة الخاطئة الثقة الزائدة بالنفس ونسيت معنى التواضع , لا أقول إنها مغرورة ولكن تصرفاتها طبيعية وغير مصطنعة , وقدم لها مرة وسيلة صغيرة قد تساعدها فى حياتها ولا أقول ماهو ويكفى أن أقول ماكان سوف يجعلها محترفة فالعمل مثلاً وترجع لثقتها الزائدة , لعل هذا مايطلقون عليه , لا أحتاج مساعدة من أحد سوف أجد طريقى وحدى ولو كان أهل الأرض كلهم قبلى سوف أتخطاهم , وتبقى الحيرة , لم هى بالذات التى بها صفات متناقضة فكيف تكون من الثقة تحوى أكثر من نفسها وفى نفس الوقت لا تفعل حتى مايبرهن ولو عشر هذه الثقة , يقول الناس أن لكل واحد منا عالمه ولا يوجد بالتاريخ ولا بالدنيا من كانوا لحياتهم تطابق الأصل مع أصل آخر , أعرف إنى قد أكون مخطئاً بحكمى عليها ولكنى أذكر إننى لست وحدى فى ذلك الحكم , ولأنى لأعرفها جيداً فأتمنى أن يكون رأيى فيها خاطئاً , فكما تعرفون لكل واحد منا عالمه الخاص يبنيه لنفسه ولا يريد حتى أن يقبل على نفسه عالم غير عالمه.
- وجاءت أخرى مثلها , وهى أيضاً لا تبعد عنها الكثير , كلامهما واحد وقريب وشكلهما واحد متطابق , ولكنهما ليسوا إخوة , ولا تعرف منهما الآخرى , بها كل العبر , هذا رأى الناس عنها , ورأي أنا يقول , هى إنسانة ينقصها العقل المفكر الواعى , حتى لا تتبع دائماً أهواء بالية , فهى ككل البنات تتشوق للزواج والتربيت فالعش والأطفال , ولكن هل عليها فعلاً أن تقوم بأشياء لجذب صاحب العش إليها ,هى محتشمة أينعم , هى أمورة نوعاً ما , هى متسرعة ككل الإناث , ولكن هى من فعلت بالطلاء على شفاهها الكثير , فكلما خرجت حتى ولو لرمى القمامة فى الصندوق أمام المنزل فهى تضع الطلاء الأحمر الزاهى آملة أن يراها الفتى الذى تحلم به , وعندما تخرج لا تنسى أبداً ذلك الطلاء ولا تنسى أيضاً تلك الإبتسامة التى تقابل بها كل شاب يمر بجوارها لعلها تكون هذه الإبتسامة رمز لشباك قد توقع به , وهى حتى لا تفكر بمثل هذه الطريقة ولكنها تريد فقط الطمأنينة والزواج والحياة والأطفال والعش , هذه الفتاة لا تختلف عن الأولى غير أنها أكثر جرأة ربما بكثير , ولكنها قد تكون أكثر جنوناً من الأولى , فهذه إذا لم تجد أصابع الطلاء وأدركت أنها قد نفذت ولم تشترى جديد , قد يؤدى ذلك إنها لن تخرج من المنزل ذلك اليوم حتى ولو كان لأمر مهم , عجباً لذلك المخلوق يتناقض ولا يطيق نفسه , يحب الغرور يمكن , ولكنه لا تنسى التواضع , يحب عذاب الآخر ربما , ولكنه لا ينسى أنه ليس وحده بالدنيا , يرى الآخرون دائماً لا يضاهوه , ولكن لا ينسى أبداً أن يبقى على كبريائه.
- يتسامرون ويضحكون , مجتمعون مع بعضهم عنوة فقط للمصلحة , ينقسمون ويتشاطرون , وتبقى المصلحة هى كل ما يربط بينهم , يضحكون على أنفسهم ويكذبون على بعض , للمصلحة يتعبون ولو لم تكن موجودة لخلصوا على بعض , كيف يطيقون العيش هكذا ؟ كيف لا يتخيل أحدهم نفسه وكأنه يلبس قناعاً قبيحاً مقززاً عندما يكذب على من تجمع المصلحة معه؟ وإنتهت المصلحة وتباعدوا ونسوا بعضهم بالمرة , وبعد أن كانت الإتصالات تدر يومياً من أجل المصلحة , فقد مرت شهور لا يتصل أحدهم بالآخر إلا لمصلحة ويقول له لقد كان لنا مصلحة تجمعنا زمان وهو فى نفسه يقول لعن الله ذلك الزمن الذى أحوجنى لأمثالك , هذه هى الناس , ليسوا كلهم بالطبع ولا حتى أكثرهم إنهم للأسف موجودين , ولكن يبقى ذلك الإنسان بينهم يتمتع بالرحمة والتسامح والطيبة يسأل عليهم كلما إستطاع يسمع منهم بلاويهم وخلافاتهم مع بعضهم ويبقى بينهم مثل القاضى والمصالح , حتى فقط يبقى هؤلاء على الأصل الذى خلقهم ربى عليه ( بشر) وليسوا شياطين.

هم الناس...............

2008-03-06T00:00:00.003+03:00

- يعيش بستين شخصية فى حياته الشئ المشترك بينهم هو الإسم والشكل فقط حتى إن كان ذلك الشكل يختلف من شخصية لأخرى , ولكنه واحد بس منهم كلهم , ولو كان أحمد حلمى أصلاً واحد من الثلاثة فإن ذلك الذى يعيش بجلباب الستين شخصية أكثر منه صعوبة فالحياة.
- كل ما بها يحتاج دهراً للكلام عنه , فهى أقل ما يقال عنه ملاكاً يمشى على الأرض , جمالها لا تقدر أفصح الكلمات على وصفه ولا يقدر أعظم الشعراء على وصف نورها , إنها الجمال إنها المصدر الذى أشع للإنسانية معنى الجمال , ولو بقيت الدنيا من السنين ملايين لن و لم يأتى مثلها , هى وهى فقط , وهل من الممكن أن يأتى مثلها ؟, ولم أسأل سؤالاً لن تكون إجابته غير النفى المطلق , ولكن يبقى مع كل ذلك بعدها عنى وبعدى عنها مثلما كانتا الأرض والسماء منفصلتين , ولكن أملى أن يجمعنا القدر كما جمع ربى الأرض والسماء فى كرة واحدة تسبح فالفضاء كما سنسبح نحن فى بحور الحب.
- مكان ضيق مثل جراب النظارة ولكن تحشر به أكثر من نظارة للأسف , ما علينا , هذا المكان يزداد به الإناث عن الذكور كما تزداد النسبة فالبلد , وياريت كده وبس دول قطط مخربشة كمان , ما علينا , ده كمان دكاترة ماشية على هواها وجدول على مزاجهم وأوامر ودرجات شغل ذل على الآخر , ما علينا , ده كمان الكلية زحمة وفيها مييات لمكان يمشى مع عشرات بس , ما علينا , ده غير كمان إن مشوارها بعيد , ما علينا , بس بعد كل ده أكتر حاجة بحبها فيها إنها واطية عن الأرض , يمكن عشان أنا حاسس إن ده مقامها ؟
- تأتى إليك يوماً تخفض فيه صوتها عن العادى, وتنظر لك مرة ومرات على الأرض ,وتتشابك أيديها من كثرة كسوفها , ويحمر وجهها خجلاً يجعلها تكاد تمسى مثل الرمان , وتقول لك فى كسوف أعرف يا حبيبى أننا متزوجون من إسبوع فقط ولكن سامحنى لأن الأكل إحترق منى لسابع مرة.
- سألوه هذا الغلبان مرة أخرى , لم أنت على هذا الحال؟ , ولم لا تفعل مثل فلان وعلان ؟ , ولم لاتبرح مكان ان يكون لك فيه أموال؟ , وقال متعجباً أتدرون أنهم لهم بالدنيا حظوظ ضحكت لهم وكشرت لى , كانت معهم ولم تكن لى , أمدتهم بما تريدون بالأموال وسلبتها منى , أمدتهم بالفرص وعزتها عنى , ولكن هيهات تفهمون ما أقول , وكان الأسى قد ملأ قلبه ولم يكن يرى أن هناك من يفهمه بدنياه وراح يواسى نفسه على حاله ويناجى ربه بقلبه آملا أن يعتدل حظه وأن يكفى أعدائه عنه.
- أحبها ورآها بعيدة عنه , ولا يراها كل يوم , وجاء إلي وقال عنها وبعد أيام قليلة أكتشف أنها مخطوبة , وإحترق قلبه غيظاً وكادت عيناه تدمع أمامى وواسيته وقدرت إقناعه أن نصيبه فالدنيا أن يحب ولكن عليه أن يصبر لعل يبعث إليه من يحبها أكثر منها وتكون توأم روحه وشريكه حياته الحقيقية , وعجباً له إذ إقتنع بكلامى وحتى ولو لم أكن أنا كذلك وإبتسم لى شاكراً.
- سعادة العين فى مكان يحسسك بالبهجة وسعادة العقل فى حل كل مشاكل الحياة وسعادة النفس فى تقضية كل ديونها وسعادة الفم فى مضغ ما أحبه المرء وسعادة القلب فيمن كان لربه ذاكر.

>>>>إنتظروا منى قريبا قصة (عبده سيد المنيلاوى) يوم 14 مارس بإذن الله

2008-03-02T20:00:00.001+03:00

- فى وجهة نظر البعض وأنا لست منهم طبعاً , أن بنت اليوم قبل الزواج : بيضاء حسناء جذابة رقيقة , وبعد الزواج سمراء قبحاء نفراء خنشورة.
- رجل بلا أطفال وبعد زواج دام أكثر 30 عاماً , ولكى ينسى أنه كهل بلا أهل فقد قرر منذ زمن أن ينسى أنه متزوج أصلاً , وجاءت زوجته يوماً تسأله : ممكن أسافر بكره شرم مع بنت خالتى؟ , فرد والدهشة تملكه: وبتسألينى ليه ماتروحى تسألى جوزك!!!
- الخنقة فمصر تنحصر فى يوم حر قوى , ومواصلات زحمة طحن , وشوارع كلها فحت , وزوجة تسألك عن الفلوس على طول.
- فى أوساطنا الشرقية كل الناس خطائين , ومش بس خطائين دى غلطاتهم فضايح , والنكتة إن أى واحد منهم يغلط أو يتصرف غلط يبقى كأنه كفر , ويظهر ده خصوصاً فى تصرفات الخير بالذات.
- أحلى ما فى الأطفال ذوى عمر الشهور إنهم صرحاء الى أبعد الحدود , ودى الحاجة اللى بقينا معدومين منها , فتلاقى لو واحد ماعجبوش بيعيط فى وشه ولو إستلطفه بيبتسمله , ولما يلاقيه ممل بيدور وشه الناحية التانية , ولو إتخنق منه أوى تلاقيه عمال يقول أصوات غريبة مش مفهومة طبعاً بس على العموم هو شوية غلط على تحبيشة شتايم دليل إنه إتخنق أوى.
- سألوه عن زوجته قال لهم زى الخاتم فى صباعى , وسألوها عن زوجها قالت زى الجزمة فى رجلى , شوفتوا فروق التشبيه.
- الزوج طول عمره غلبان من أول مايتجوز وهو عمال حاضر حاضر ودايما مغلوب على أمره , ويجى الواد يركب على ضهره ويقوله حا يا حمار , ورئيسه فالشغل على طول يبهدله ومراته فالبيت على طول مربياله الخفيف ودايما بيبهدل نفسه فى مواصلات عشان يوفر للواد اللى فضل أيام وشهور مايبنمش بسببه , وغيره كتييييييير , آه وفى الآخر راحوا يقفوا جنب اللى مسمين نفسهم - عرضا-ً الجنس الناعم.
- وجاء من جديد ذلك اليوم الذى تنقلب فيه كل أحلامك إلى كوابيس مفزعة , وجاءت تلك اللحظة التى تقوم فيها فجأة وقد وقد ملكك الأرق وكل ماتحاول تصرف الكابوس ده وتوزعه تلاقيه للطارشة مصدرلك كإنه جمل وبرك.
- إذا نظرت هى إليك بادئة بإبتسامة فهى معجبة بك , وإذا بادرت هى بالكلام فهى أيقنت أن إبتسامتها لا تفيد معك ولا تكاد تصبر حتى تبدأ أنت بالحديث , وإذا حدث أن قالت لك فى أول مرة معجبة بك وأحبك فهى واقعة أوى , وإذا تكلمتما سوياً وأخذت تسألك عن عائلتك كلها فهى بترسم على جواز.
- يسألك ذلك السؤال الصعب مرة أخرى , من أنت؟ , وللمرة المليون لا تعرف الإجابة وتسرح فى خيالك بحثاً عن إجابة مقنعة وتحتار وتكاد تحترق غيظاً من عجزك عن إجابة سؤال من خمسة أحرف , لماذا كل هذه الصعوبة لماذا لا تعرف من أنت لماذا تحتال على نفسك بالخطأ وتقتنع به , هل تنتظر اليوم الذى يجئ فيه الناس إليك مشيرين إليك قائلين إنه أنت من أبدع , وهل تظن نفسك حقاً مبدعاً كفاية أم أنه خيالك الواسع بلا نهاية , وهل تظن إنك قد تكف عن الضحك على نفسك حتى لا يضحك الناس عليك يوماً ما, هيهات عبثاُ تحاول فى نفس كاذبة ليس لها دواء ولا وصفة , لا تضيع وقتك بالتهيؤات وحاول على الأقل أن تجيب على هذا السؤال بصدق حتى لو مع نفسك فقط.

وقد كان الذنب ذنبى

2008-03-01T18:44:00.000+03:00

-دموعها نزلت على قلبى وأحرقته , وبكاؤها أثر فى نفسى بالكثير , وعذاب قلبى دموعها أغرقته , وذقت طعم الحزن المرير ,, كان موقفٍ لا أريد أن أذكره ولكن أذكر عواقبه جيداً , فقد حزنت حبيبتى منى كثيراً وأزداد حزنها وبكت بسببى ومع كل دمعة ذرفت من أجمل عينان بالكون كان خنجراً به سم يشق قلبى , وأقشعر بدنى وأدركت حينها إنى قد أحببتها أكثر مما كنت أتخيل ولاحقتها جريت ورائها لأسامحها , لم أستطع اللحاق بها على الفور ووافيتها فى منزلها ودخلت نظرت إلى أهلها نظرة خاطفة وكملت طريقى إلى غرفتها , إننى كنت فالبداية قد رأيت أول دمعة ذرفت من عيناها وبعدها أدارت وجهها عنى لخجلها ورقتها ولكنى عندما دخلت غرفتها رأيت وجهها الصبوح مغرقاً بالدموع وأنفها شديدة الإحمرار من البكاء الشديد وكل هذا بسببى وكم أردت قتل نفسى تأنيباً وقد كانت جالسه على سريرها وعندما لمحتنى أدارت وجهها مرة أخرى خجلاً وجلست هى على الناحية البعيدة من السرير , ودخلت أكثر إلى الغرفة وقدماى تتباطآن لا أعرف ماذا أقول وكيف أعتذر وكيف أصالحها مرة أخرى, دخلت أكثر وجلست على السرير وهى أمامى مديرة وجهها عنى ومن صوت بكائها الذى جرح قلبى دمعت عيناى أيضاً وكلمتها بصوت خافت يسكنه صوت حزين باكى وقلت لها: يا من أحببت الدنيا من أجلها يا من سكنتى قلبى وأفرحتيه بكلماتك وضحكاتك , سامحينى , سامحينى إذا كنت أخطأت بل أجرمت يوماً بجعل أحب عينان إلى قلبى بالبكاء سامحينى وأغفرى حماقتى تجاهك , إنى أعرف أن دموعك الحارقة على قلبى هى دليل حبك لى , وبحبى لك أستحلفك بالله أن تسامحي وتتذكرى حبك لى , عهد أقطعه على نفسى أمامك ألا أخيب أملك في ثانية طول ما حييت , آسف حبيبتى إغفرى لى خطأى, قلت تلك الكلمات وهى لا تزال تبكى وعندما أنهيت مسحت دموعها الغالية على نفسى بمنديلها الصغير وأدارت وجهها إلى مرة أخرى ولا تزال تتعلق بعض الدموع بعينيها وأراحت كفها الأيمن على خدى قائله بإبتسامة طالما عشقتها حسناً يا حبيب قلبى ونور عينى أسامحك بحبى لك وعلى يقينى بإحترامك لعهدك , وأرتسمت على شفتاى إبتسامة عريضة ثم تنهيدة إرتياح لا أذكر إنى مررت بها قبل ذلك ونظرت إلى عينيها الجميلتين وهى تبتسم لى وضحكنا سوياً ضحكات خافتة ثم سكتنا لحظة ولا تزال تلك الإبتسامات الرقيقة على شفاهاتنا ثم قبلتها على جبينها وقلت لها ربنا ما يحرمنى منك أنتِ ملاك أحببته بقلبى وعقلى وروحى وكل جوارحى , وخرجاً سوياً خارج الغرفة فسمعت والدها يقول لوالدتها : ألم أقل لك أنه سوف يصالحها , ربنا يخليك لها وهى لك يا بنى ... وأقضينا يوماً سعيداً كباقى أيامنا , وحمدت الله أن اليوم قد إنتهى بالسعادة والصلح والحب ثانية بعد الحزن والخصام والبُعد.

ولم يصدق الناس أنى مازلت بينهم

2008-03-01T05:25:00.002+03:00

- مَثل الحب فى قلب المرأة كمثل اللؤلؤ فى قلب المحيط , وذلك لا يطله غيرغواص قلبه (ميت).
- المرأة تحب الرجل الذى يتمرد على الأوضاع التى حوله ويعيش حراً معها قبل الزواج وتعشقه إذا عاش أسيراً لها بعد الزواج.
- من حيائها قد تتكتم حبها لزوجها العمر كله ولكنها لا تتكتم غضبها لدقيقة واحدة.
- فالخطوبة يتكلم هو وهى المستمعة , وفالزواج تأمر هى وهو المُنفذ.
- تغمض المرأة عينيها فى حالتين : أولها عندما تستمع لكلمات الغزل لتستمتع, وثانيها عندما تستمع لنصيحة فتنام.
- فى عيد ميلاها الأول يضعون شمعة , وتبقى هى على شمعة واحدة فالتورتة حتى السبعين أو ربما بعد ذلك بقليل.
- لم يكن الزواج رغبتكم بل كانت كما قدر لكم فتبكون ندماً وتضحك الأقدار عليكم.
- أبواب تلك الدنيا كثيرة ولكن يأتى الباب الأخير ألا وهو الموت ذلك الباب الذى لن تطرقه ولن تفتحه ولكن عليك أن تدخله بلا رجعة.
- زمان أيام الزمن الطيب كان الجواز قسمة ونصيب , لكن دلوقتى بقى (قسمة وضرب) قسمة لفلوس الراجل لمراته وإحتياجتها وضرب فوق دماغه لو قال كفايه...حرام.

وسألت هل كان لذلك القلب دافع للحب؟

2008-02-07T20:27:00.000+03:00

- فى ريعان شبابها , فى ورعان جمالها , خديها تضحكان , وعينيها تغمزان , لها من النغز إثنتين ولها من البسمات ثلاث , أحببتها ليس فقط لجمالها الفتان ولكن تبقى جميلة الروح وطيبة القلب , وعذابى فى بعدها عنى....

- مثلما أحب قيس ليلى عشقت أنا حبيبتى , وأكثر من حب عبلة لعنترة أحبتنى ملاكى من كل قلبها , ومثلما واجة روميو مصاعب كثر , لم أفعل مثل هذا مثقال ذرة , لكنى لم ألق مثل هذه الظروف شبيهة وليكن أنا من عذبته الظروف.

- لونهم واحد, كلامهم واحد , دائماً مع بعضهما , يأكلون فى طبق واحد , ويذهبون لنفس العمل , يعتبرونهم الناس إخوة , ولا يفترقون حتى البيت , ولكن بعد كل ذلك يبيعه عند أول شدة!!!!

- دقت الساعة بمرور دقيقة أخرى من عمر لا أقدر أن أوقفه , تمر الثوانى ممسكة بذيل الدقائق التى لا تترك الساعات تمر إلا على أثرها , ويبقى العمر يمر بلا رحمة , وتأتى سنوات وبعد سنوات ثم تدق الساعة تلك المرة على أبواب الكبر والشيخوخة , وسألت نفسى : هل لأكسير الشباب وجود فى تلك الدنيا ؟ هل يمكن أن يظل على الأقل قلبى شاباً دائماً ولا يهرم سوى جسدى ؟ وما أجابنى عقلى حتى يأست ولكن تأتى تلك الفرحة العارمة بإجابة صريحة من قلبى الحنون قائلاً : لاتنسى أن تحب فهو خير دواء لشباب القلب , فقلت ومن أحب ياترى؟ , رد قلبى : حب الله وأطعه , حب الناس ولا تخزهم , حب إمرأة إذا قابلت من تحبها وحب نفسك بقليل , وسعد قلبى بوكسة عقلى تلك المرة , وإرتاح قلبى وأغمضت عيناى من كثرة التعب.

- يصر أكثر الناس عند تعاملهم مع الآخرين على إحداث فارق كبير , رغم إننا كلنا ولاد تسعة..لأ ده فى سبعة كمان بتفرق ساعات ,, ماعلينا ,,, المهم إن كلنا بنتولد بطريقة واحدة..لأ ده فى قيصرى برضه بتفرق ساعات,, ما علينا,,, المهم إن كلنا مصريين فمصر..لأ ده فى عراقيين فالبلد بتفرق ساعات برضه ,,ما علينا ,, المهم إن فى صفة مشتركة مابينا إن كلنا بنى آدميين ,,,,,,, ياااااااااه الحمد لله لاقيت حاجة متفقين فيها.

- عبقرى من أفاد غيره قبل أن يفيد نفسه و متخلف من فضل نفسه على العالم وهو لا يستحق.

- إصطادته وهو لسه راجع من الشغل وتقول له عايزين فلوس,فقالها ليه تانى؟ , تقول داخلين عالمدارس وعايزين اللحمة وحلاقة العيال ورمضان عالأبواب والعيد قرب والتليفزيون باظ والكمبيوتر ضرب والتكييف عايز صيانة وفاتورة الكهربا ووراها الميه والمواصلات كل يوم ويادوب كمان فستان جديد عشانى..و..وبس كده ,,,, رد عليها فى نفس واحد : العيال هاحطهم فى ملجأ وهناكل بعد كده فول وهانخليهم يربوا شعرهم عشان الشتا وهانفطر على بلح فى رمضان وهانشحت لحمة فالعيد والتليفزيون هانتفرج عليه عند الجيران والكمبيوتر هانعمله حوض سمك وبدل التكييف هاعملك مراوح ورق وهانقعد على ضوء الشموع وهانشرب من كولدير الجامع وهانروح المشاوير كعابى .. وبعد كل اللى انت قولتيه ده إبقى قابلينى لو جبتلك ُكم جلبيه بلدى حتى...يازبالة...وبالمرة بقى عشان أخلص إنتِ طالق..إبقى خلى أبوكى بقى يجيبلك الفستان.تصبحى على خير.

ولا تزال القشة تقسم ظهور البعير

2007-11-13T15:02:00.000+03:00

مشاعر الإنسان غريبة :
إذا حزن : ينقلب الوجه بغضاً ثم يحمر الوجه ضغطاً ثم تبكى العين دمعاً,,,
وإذا ضحك : ينقلب الوجه فرحاً ثم يحمر الوجه ضغطاً ثم تبكى العين أيضاً!!!
سعادة المرأة فى مجوهرات تملأ جسدها وملابس تملأ دولابها وزوج يملأ خزنتها فالبنك بالكاشات.
سعادة الرجل فى زوجة تنشغل بالمرآة وقناة فيديو كليب لا تنقطع وزوجة لا تسأله عن حسابها بالبنك.
العنكبوت مثل المرأة ..... تنتظر كثيراً لتوقع بالضحية!
موت الضمير عند ابن آدم , كالخنزير الذى أدار وجهه عن تورتة العسل.
نور الشمس يضئ للإنسان بصره , ونور القلب يضئ له بصيرته.
الدنيا كيدك كلها ملكك ولكنك لا تقدر أن تستغنى عنها بسهولة.
أحببت من كانت تملك شعر أشقر ناعماً مثل الحرير منسدل على كتفى الغزال , بشرتها ناصعة البياض أبهى من اللبن وأصفى من الزبد, حاجباها مثل خط الموج فالأفق رفيعين ورقيقين , خديها المملوئتين كخدى الأطفال وشفتيها الصغيرتين لا تملك مثلهما إمرأة بالدنيا ولا بجمالهما ,,, ولو كان التقبيل حلال لكان هذا أول ما طلبته منها ,, إنى أحب ملاكاً وهذا أقل ما توصف به.
حلال لك أن تحب وحرام عليك أن تتخلى عنها لأى ظرف أو تتكتم حبك كثيراً.
من المعروف أن المرء قد يرث من أهله موهبة أو صفات وراثية سواء ظاهرية أو خفية , ولكنه قد يرثها بزيادة أو أقل منها , مثلاً موهبة مثلٍ الرسم قد يرثها أحد من أبيه أو أمه ولها حالتين أنه ممكن يكون أحسن فالرسم من اللى ورثها منه لا إلا أقل , وكذلك الطباع ممكن تتورث بزيادة أو أقل ,, ولكن جاء عقلى لينتبه إنى أحب وأريد أن يجمع القدر بحبيبتى وأتزوجها ولكنى وبكل صراحة أخاف أن يرث منى ولدى من صفاتى وطباعى وشكلى ما أكره ولا يطله منى هبات الله إلي و أخلاقى وعقلى ما أحب... وجعلتنى الحيرة أهذى وعذبنى عقلى أكثر.
سعادة القلب سهل أن ترسم للوجه الفرح , وحزنه صعب أن يمنع العين من بكاء صامت.
يسألونه فى التعداد عن إسرته فيقول : أنا... و..نكبة ...وتلات مصايب .....وكارثتين !!!
مرة واحد صاحبى روش حبتين فضل يركب المترو من عين شمس لحلون كل يوم وكان كل يوم يفضل واقف طول الخط وميعرفش يقعد خالص وطبعاً رجليه على مايوصل كانت بتبقى فالضياع , المهم كان بياخد باله أن الرجالة الكبار كان الناس بيقوملهم ويقعدوهم , صاحبى الروش حبيتين راح إشترى صبغة بيضا وراح مربى دقنه لكام يوم كده وراح صابغ شعره ودقنه بالأبيض واللى ساعده أنه أسمر شوية فيدوب يبان عليه الكبر مع الدقن الشعر البيض , ومن يومها بقى يدخل المترو ويقعد على طول ,, شباب آخر زمن.
المال زينة الحياة الدنيا , يضحك الشيطان به علينا , والقناعة كنز بالى لا يفيدنا إلا معنوياً.
مين أغلى إنسان فى حياتك ؟ ياترى ليه؟ تفتكر ممكن تستغنى عنه/عنها فى يوم؟ تقدر تعيش من غيره؟ لو مات هاتعمل ايه؟ لو مرض هاتضايق؟ لو سافر هيوحشك؟ لو إتخانق معاك هاتصلحه؟ لو حب غيرك هاتكلمه تانى؟ لو صارحك بحبه/بحبها ليك هاتصدق؟ لو إكتشفت منه/منها الخيانة هاتسامح؟ لو طلب منك السماح هاترضى؟ لو نمت هاتحلم بيه/بيها؟ تفتكر إنت ممكن تعمل أى حاجة عشان تثبت حبك ليه/ليها؟ , طلب بطلبه من كل واحد ياريت تقعد ولو دقيقة مع نفسك وتفتكر لحبيبك كل لحظة حلوة قضيتها معاه , ولو خاصمته سامحه وصالحه , كفاية علينا تموت كل حاجة فينا بس لازم يفضل الحب مالينا.

تاج الأسئلة الصعبة مين عايز؟

2007-11-06T21:31:00.000+03:00

التاج الجميل ده وصلي من قريبى العزيز أحمد المصرى وأشكره عليه , وكان التاج فيه الآتى

قالوا لك اختار عصر من عصور علشان تعيش فيه تختار أى عصر وفى عهد أى حاكم .. واشمعنى ؟

كان نفسى ومنى قلبى إنى أكون موجود فى عهد الرسول (صلى الله عليه وسلم) ولكن قدر الله وماشاء فعل , وأنا راضى , وإيشمعنى؟ ده سؤال مش محتاج الإجابة عليه
------------
أول أولوية فى حياتك عيلتك ولا شغلك ولا اصحابك ؟

أقول على السؤال ده عيلتى , وده لأن لسه ماشتغلتش , وأكيد مفيش حد عاقل هايفضل صحاب على الأهل , ده يبقى لأمؤخذة0000
-------------
ايه أكتر حاجة بتحبها فى رمضان ؟

عليقة النور اللى بتتعلق فى الشارع وتنوره زيادة , ومرواح الناس أكثر للجوامع والمساجد , وبعض الناس اللى بيمنعوا نفسهم من الشتايم والغلط عمال على بطال فالمواصلات بس عشان صايمين , قال صايمين قال
--------------
أوصف أجمل فطار ممكن تفطره ؟

لما حصل مرة فى ذات الخيال وأنا بحلم لاقيت عيلتى كلها كلها بتفطر عندنا فالبيت , صراحة ده شئ فرحنى بس للأسف لسه ماتحققش

---------------
لو انت حاكم على مجموعة من الأفراد حتكون عادل ؟ طب حتتأكد أزاى انك حاكم عادل ؟؟

العدل صفة آلهيه وانا بشر مهما كان برضه قليل الحيلة, وفى أيامنا هذه بالذات ظهرت أوى كلمة : لا إنى أعترض , وعشان كده أنا بعيد عن حكم أى حد , عشان كده كده أى حد بيتحكم فالناس فى بلدنا دايما بيظلمهم أو على الأقل مابيعرفش يحقق مايطلق عليه عدل الرحمة بين البشر0

-----------------
ايه اللى بيبوظ الحكام ..نفسهم ؟ ولا الشعب ؟ ولا الحاشية المقربة ؟

عادة بيبقوا الحاشية , لأنهم هم اللى بيبوظوا البلد ويجى الحاكم يشوف البلد يقوموا فاتحين له شباك خاص فيه البلد جنة مليانة سعادة وحب - ويمكن يكون الشباك الحقيقى للبلد فيه البلد بتتحرق ومفيش حد طايق أخوه , ويفضلوا وراه لحد مايتإلش ويجى اللى بعده لا يطلع ناصح ويبألشهم لا يسبهم هم يشألطوه0
-----------------
لو ممكن تشتغل شغلانة تانية كنت تتمنى تبقى ايه ؟؟
انا عن نفسى مابشتغلش أصلا - بس أحب ان شاء الله أشتغل فى مجال فن السينما(النظيفة)0
-------------------
ايه تانى بلد تتمنى تعيش فيها بعد مصر ؟؟
السعودية , ويمكن ساعتها هالبد فالحرم
-------------------
اوصف ترتيبات اجمل فرح ممكن تحضره ؟
الافراح فى مصر ماشية على رتم واحد وممل وغير متغير , يعنى لو واحد حصل معاه انه راح عشر افراح فى شهر واحد - وربنا يكتر أفراحنا وافراحكوا - بعيد عنكوا هايكره عيشته وهايحلف ميت صرمة قديمة ماهو رايح افراح تانى , يااااه فين أفراح بره , تصدقوا انهم بيجيبوا متعهد أو متخصص فالافراح عشان يفكر ويفتكس ازاى يعملهم أفكار جديدة تتعمل فى فرحهم عشان يبقى مختلف - ناس بيتحب التغيير مش زيينا عاملين زى المثل اللى بيقول : بابو محمدين جاتلك العروسة , فقال يلا أهو كله ستات!!!

-------------------
بتراعى كلام الناس والقيل والقال ؟؟ ولو اه او لا قول ليه ؟

بيعجبنى فالمجتمعات الغربية إن كل بنى آدم فى حاله وبس , مالوش دعوة فلان عمل ايه وعلان سوى ايه , إنما هنا بقى ييييييييي , الواحد بيحس بالنقص لو عدى عليه يومين من غير مايغلط فى حد أو من غير مايوبخه ويتريأ عليه , وكأنه هو معصوم وكل اللى بيعمله صح ,وعن نفسى ساعات براعيه لأنى مش مستنى إن واحد 00000 يقول عليا نص كلمة0
--------------------
صحيت من النوم ملقتش الموبايل ولا الكمبيوتر ولا الكاميرا الديجيتال ورجعنا لعصر الحمام الزاجل والحصنة هتكون سعيد ؟

زاجل؟؟؟؟ حصنة؟؟؟؟ نعم؟؟؟؟؟ شوف هو إحتمال يجيلى حالة من الممل بطول طوووول الوقت الممل بطبيعته وهنام تانى0
------------------
السعادة هى ..؟
أن أرى دائما من حولى سعيدون من أجلى ويكنون لى ولو مثقال ذرة من حب0

----------------
عندك أمل ؟ اسبابك ؟
أمل؟ لأ عندى سعاد ,,,, شوف الأمل دايما موجود مادام إبن آدم عايش عالأرض , ويمكن لأن الواحد حصله نوع من الإحباط بسبب البلد دى , بس دايما الواحد بيضحك على نفسه إن دايما البلد دى فى أمل فيها إنها تتغير
-------------------
لما بتحب تهرب من كل شئ بتروح فين ؟؟

ساعات بروح مكان واسع مفيهوش حد غيرى أقعد أفكر فى كل حاجة وعن كل شئ , ولو حتى مابلقيش المكان ده بغمض عينى وأتخيله وأعيش فيه ,عشان لما بهرب من كل حاجة ومن كل الناس بتتبقى حاجة واحدة لازم أقعد معاها ماينفعش أهرب منها , هى نفسى

-------------------
امتى اول مرة خدت فيها نفس طويل وقلت ياااه انا فعلا كبرت؟

نفس طويل إزاى وأنا عمرى مالمست الشيشة , وكبرت أزاى , ده انا يادوب مكمل عقدين من ......بس
-------------------
اما بتعمل عمل خير بيكون ايه هو دافعك الاول ؟
حسنات تتحط فى حقيبة حسناتى لا أدرى إن كانت مليئة أم يسكنها الهواء
-------------------
بتشرب سجاير ؟؟ وايه شعورك اما ست او راجل بيشرب سجاير ؟ ليه؟

أنا الحمد لله مابشربش , وكمان ايه يعنى لما الستات يشربوا سجاير ما هما بيشربوا سجاير من أيام الهكسوس , بس هو حتى لدول ولا لدول الغلط واحد ولو تعددت الصور
-----------------
بتعرف ايدك اليمين من الشمال ازاى ؟؟

أنا عارف إيدى اليمين من الشمال من أيام ما كنت فى أولى حضانة , وكمان عشان أنا بكتب بالشمال , وكمان فى حاجة إسمها ساعة , واللى مايعرفش بعد كده يبقى سورى0
--------------------
ايه اكتر الة موسيقية بتحبها ؟

هما كذا واحدة يعنى بحب الطبلة والجيتار والهارمونيكا والفلوت , ده غير المقطوعات الموسيقية الجامدة قوى0
---------------------
فى رأيك ليه الذوق والنخوة اتعدموا ؟
عشان فيه الأجيال اللى فاتوا لسه بيعلموا ولادهم كلمتين عن الحياة فى بلادنا , الدنيا صعبة لازم تبقى وحش البرارى أسد جسور وصقر كبير ولايهمك حد ولا تخاف على مصلحة حد غير نفسك وبس عشان تعيش فيها ولازم تكون عايش عشان نفسك وبس , محدش هاينفعك ومحدش بيساعد حد , لازم تعتمد على نفسك وتتحرق الدنيا بعد كده ولا يهمك, وعشان كل ده يحصل لازم تبقى أخلاقك زبالة وكبريائك فالأرض0
---------------------
ايه الحاجة اللى لو حصلت لك حتبقى سعيد اوى ؟

يبتسم لى قدرى من تانى وألاقى توأم روحى جيالى
---------------------
تحب يبقى عندك ارض زراعية ولااجنس عربيات ولاكام عمارة ولافلوس فى البنك؟

أحب أكون راضى عن حالى ومفيش فى جيبى مليم حرام وكله بعد كده هايبقى مش فارق حاجة بالنسبة لى
------------------
البحر ولا النيل ؟

نيل ؟ الملوث ده , النيل اللى لو عطست هلاقى نفسى عديت الناحية التانية , البحر طبعا , أحلى إحساس إنك تقف على سطح عمارة صف أول بتطل عالبحر فالدور 15 مثلا وتفتح درعاتك وتسيب هوا البحر يعيش جواك وتحسسه إنك قادر تعديه وتروح لبلاد العالم مهما كبر عليك0
-----------------
مركب ولا طيارة ؟

الأتنين كويسين يعنى عادى , مفيش واحدة مابتغلطش , الطيارة بتقع والمركب بتغرق
-----------------
مجنون ولا عاقل ؟
زمان كان كلمة مجنون دى شتيمة , بس دلوقتى بعض الشباب بيفخروا بيها , وبينى وبينكم أنا نوعا ما واحد منهم,,,,,,, نوعا ما هاه
-----------------
تقرا كتاب ولا تتفرج عليه فيلم ؟
فيلم لو جامد وكتاب لو مفيد أوى0
-----------------
أكتر كاتب بتحترمه في مصر؟
أنيس منصور

تمرر التاج ده لمين ؟
للدمونين كلهم طبعا , للى ماخدهوش , أخص بالذكر
الستة بتوع صيدلة
مريمDAYLIGHT
مسلمة-طي النسيان
طنطاوي-مصرنا
محمد مفيد-في الصميم
عيون ضيقة
واحدة من الناس-همسات دافئة
نور-ظل قلم......بس!!0
أتمنى لكم التوفيق والنجاح من كل قلبى
تحياتى لكم جميعاً

وسعادة قلب قامت بها الكلمات

2007-09-12T14:11:00.000+03:00

مشاعر الإنسان غريبة
إذا حزن : ينقلب الوجه بغضاً ثم يحمر الوجه ضغطاً ثم تبكى العين دمعاً
وإذا ضحك : ينقلب الوجه فرحاً ثم يحمر الوجه ضغطاً ثم تبكى العين أيضاً

---------------------------------------------------

خاب من مات مرتين مرة بالزواج ومرة بالموت

---------------------------------------------------

سعادة المرأة فى مجوهرات تملأ جسدها وملابس تملأ دولابها وزوج يملأ خزنتها فالبنك بالكاشات
سعادة الرجل فى زوجة تنشغل بالمرآة وقناة فيديو كليب لا تنقطع وزوجة لا تسأله عن حسابها بالبنك

---------------------------------------------------
العنكبوت مثل المرأة ..... تنتظر كثيراً لتوقع بالضحية

---------------------------------------------------
موت الضمير عند ابن آدم , كالخنزير الذى أدار وجهه عن تورتة العسل

---------------------------------------------------
نور الشمس يضئ للإنسان بصره , ونور قلبه يضئ له بصيرته

---------------------------------------------------
أحببت من كانت تملك شعر أشقر ناعماً مثل الحرير منسدل على كتفى الغزال , بشرتها ناصعة البياض أبهى من اللبن وأصفى من الزبد, حاجباها مثل خط الموج فالأفق رفيعين ورقيقين , خديها المملوئتين كخدى الأطفال وشفتيها الصغيرتين لا تملك مثلهما إمرأة بالدنيا ولا بجمالهما ,,, ولو كان التقبيل حلال لكان هذا أول ما طلبته منها ,, إنى أحب ملاكاً وهذا أقل ما توصف به

---------------------------------------------------
حلال لك أن تحب وحرام عليك أن تتخلى عنها لأى ظرف أو تتكتم حبك كثيراً

---------------------------------------------------
اسمها من المعانى يحوى الكثير , وجدانها من العلم ضم الوفير , حبها أخذ قلبى وعقلى منى , وحبى لها ملأ كل وجدانى ,, ُترى حبيبتى من تكون؟

---------------------------------------------------
فى لحظة جد أطل الحب ونطق القلب بشعر عن من أحببت فقلت ما لم أقله عن حد

---------------------------------------------------
من وحى الأكل : رحت أسأل عليك طلعتلى معزة ... جديك قاللى كده ... كاندوز خالتك صاحبى ...وعيلتك من بيت اللوح... عشان كده عليتكوا كلها ليّة

---------------------------------------------------

من ذكاء الصعايدة , لما قام الصعيدى من جنب مراته الساعة 3 باليل قالت له رايح فين , قالها : رايح أتفرج عالمذيعة وهى نايمة

----------------------------------------------------
من ذكاء الفلاحين , طول عمره عمال يشرب من الذير فلما ربنا كرمه وجاب ثلاجة , علق على بابها كوز وشال الأرفف وحط الذير جواها

----------------------------------------------------
صعيدى قام غسل وشه أهله إتبروا منه.... راح إستحمى طاخوه بالنار

----------------------------------------------------
من أتعس قلباً ليس له قلب , ومن خسر حباً ليس له بالدنيا حظ

ولا يهمك الدنيا بخير وهاتفضل كده على طول , بس 000

2007-09-10T11:00:00.000+03:00

اللى يتجوز مرة إتعذب مرة , وللى يتجوز مرتين مجنون رسمى وإحتمال يجيله شلل أو يبقى متخلف عقلياً

--------------------------------

زمان فلاحين بلدنا كانوا معروفين أنهم الأصل , بس دلوقتى يتعرفوا بالتصرفات

--------------------------------
الفرق فى إسكندرية فى وقت وجود الفلاحين أو عدمهم بيظهر فى حاجتين مهمين : وساخة البحر والزحمة00

--------------------------------
دايماً فى مصر الأشخاص الطبيعيين بيعملوا ....... استنى هم فين دول أصلاً؟

--------------------------------
فى المستقبل البعيد عندما تعم الصراحة وتصبح داء الناس هتلاقى المكتوب على يافطة الكوافيرهرجى
( كوافير الأصلع التعبان, قسم خاص للمحجبات وقسم تانى للى عاملين نفسهم محجبات)
ولما تكون الصراحة هى داء الناس فالمستقبل البعيد , هتلاقى المكتوب على محلات الأكل التعبانة
( الزفلطة طريقتنا والكروتة شعارنا , ولو عايز تعيا يبقى مفيش غيرنا ولو عايز تموت ناقص عمر ماتوصيناش)
وكمان هتلاقى المكتوب على محلات الأكل النضيفة شكلاً وليس أكلاً ( هانضحك عليك بالرخيص والأكل مافيهوش من الغالى واللى هايخدم عليك عيال سيس والفاتورة جايالك فالعالى إشرب بقى يا حلو

-----------------------------------------------

إذا وجدت من تعشقك فأنت أسعد المحظوظين , وإذا لم تجد من تحبها فأنت أتعس المخلوقين

----------------------------------------------
الحب بداية الحياة, والزواج غلطة لنهاية الحب, والحياة الزوجية إستمرار لغلطة الزواج , والطلاق قرار ندم على أمل تصليح الغلطة

----------------------------------------------
من أحكام الحياة: الحيوان يحب الإنسان,والرجل لايقدر على العيش بدون المرأة , والمرأة لا تحب إلا مصوغاتها

----------------------------------------------
عذاب الرجل مع المرأة , وعذاب المرأة فالوحدة , وشقاء الإثنين زواجهما

----------------------------------------------
أخطأ من أحب , وأجرم من تزوج , وأفلح من طلق , وكفر من إنتحر قبل أن يطلقها ويدعى عليها ويستشهد

----------------------------------------------
المثل الشعبى بيقول : ماهوّ البنى آدم كده , القطط لما تنكر الكلاب تعّض فالنسانيس

-----------------------------------------------

من أمثلة الحاضر الأليم :::::
شيل البت مّنة ترتاح سعاد دى عندك
زمان: القرد فى عين أمه غزال ,,, دلوقتى : الخنفس فى عين أمه طاووس
يا مأن للستات , يا مأن لخبث الشحات
دبانة تحت المضرب ولا عشرة عالزبالة
اللى تحسبه محدود الدخل يطلع قارون

اللى مالوش خيط فالبكرة , مالوش غير غز الإبرة

الأدب (فصلوه) عن العلم

هذا الجدى من ذاك الخروف

-------------------------------------------
من أمثال أطفال اليوم البلطجية:::
من علمنى حرفاً , غزيته لحد مايكمل بقية الكلمة
شعارهم : مدرستى قشطة روشة كووول

الجوزة تخسرك صحتك لو عايز تكسبها تانى ,, إلعب شوز على سيجارتين

دماغهم : عقول الذباب على أى جسم يدخل مالباب

يا عينى عالزمن0000000000

ولا تبدو الدنيا بالجمال الذى هى عليه000000

2007-09-08T16:26:00.000+03:00

أكثر الآلام هو أن يجد الإنسان من يكرهه بقربه , وأصعبها هو أن يجد نفسه يحب من هو متأكد أنه يكرهه.

-------------------------
أكثر شباب اليومين دول عمالين يتكلموا إنجليزى عمال على بطال لحد مابقى أكثرهم مش عارف يعبر عن اللى عايز يقوله بالعربى ويمكن تكون الهوجة دى هى حركة غرور من فئة من الشباب لإقناع الآخرين أنهم ولاد ذوات أو مولودين فالكومنويلث!!!

-------------------------
إذا وصل الزوج إلى حد الغيرة العمياء تجاه زوجته فهو قد وصل إلى حد درجة الحب العليا وهى لاتطاق بالمرة

-------------------------
لو بدأت زوجتك بالدباجة الأولانية وأنت مش متعود منها على كده , إعرف إنها ستطلب منك طلب أو هاتكدب عليك كدبة
أعرف من الناس من هم كارهوا أنفسهم , قليلوا الخبرة عن الحياة رغم كثرة إندماجهم بها , ولكنهم لا يعرفون عن الأحاسيس والمشاعر شيئاً بل يدفعون أنفسهم إلى باب كره الذات فى طريق وحشي ولاآدمي بقتل الضمائر.

-------------------------
موقف حدث فى طابور السينما أمام شباك التذاكر رأيته من فترة , شلة شباب يتمازحون ويضحكون وصمتوا وهلة حتى تذكر أحدهم نكتة نوعاً ما إباحية عن مبارك وقالها لهم وتفتكروا كان مين واقف ورا الواد ده , ظابط بوليس وخاطيبته والظاهر أنه كان بيحب مبارك أو على الأقل حس أنه لو سكت مش هايسامح نفسه , وصباح القفا اللى إداه للواد الغلبان ده , القفا إنضرب فالإسعاف إتسمع صوته فى غمرة.

-------------------------
يقول أحد الباحثين بعد أن أمضى فترة طويلة فى دراسة الأنثى : آسف, إننى حزين على ما أضعت من عمرى سنوات فى دراسة ماهية كائن معقد وغامض وغريب للغاية.

-------------------------
هل أتى الزمن الذى تشترط فيه الفتاة عند الإرتباط بفتى وسيم وقوى وميسور الحال معاً؟ وهل إنقرضن من هن يرضون بالنصيب وخلاص؟

------------------------
إن عقل الأنثى فقط يتطلب العمر كله لدراسته فما بالك بما بالباقى , وما بقى كان أصعب!

------------------------
سبحانك يا الله فى ترتيب كونك , ففضلات المخلوقات الأخرى تفيد الإنسان فى عدة نواحى ,, مثلاً فضلات المواشى تفيد التربة التى يزرعها الإنسان لنفسه,, وفضلات النحل يأكله الإنسان ليفيد بدنه!!

------------------------
الحب بين الشاب والفتاة عادة ما يكون فالخفاء والممنوع مرغوب وكثيراً ما يطول , أما عند الزواج فالحب ينتهى بنهاية الخفاء وإفتقاد الأثنين للعبة العسكر والحرامية التى كانوا يلعبونها مع الناس.

------------------------
يرفضن الشابات من الجيل الحالى وأكيد الجيل اللى بعدهم فكرة تعدد الزوجات لأنها تعتبر أن زوجها هو عينها الشمال لايمكن أن تستغنى عنه بسهولة ولايمكن أن تتشارك به لأخرى , ولكن, لو ظلوا متمسكين بتلك الفكرة الباليه مع الفارق النسبى العام بين الجنسين فى بلادنا هذه الأيام والذى يزداد لصالح الإناث كل عام , سوف تعنسن الآلاف .....مع زيادة أعداد بيوت الدعارة!!!....... ولو إقتنعوا بالعكس هايبقى أخيراً جت حاجة لصالح الرجالة فالزمن ده.

-------------------------
إذا كان الرجل هو الدماغ ... فالمرأة هى الصداع المزمن.
إذا كانت المرأة هى الرابط ... فالرجل هو الجزمة.
إذا كان الرجل هو أصل الحياة ... فالمرأة هى سبب موته.
إذا كانت المرأة هى المدرسة ...فالرجل هو التلميذ البليد.

--------------------------
للعقلاء نقول: إن ديناميكية المرأة المنبعثة من وجدان تصرفات العقل الباطن للرجل بدافع إستاتيكية حياة المرأة الفيزيائية المتقلبة بالوقت حكمها الرجل فى أحيائية النوم ........ محدش فاهم حاجة.

--------------------------
سؤال محيرنى,, تفتكروا واحدة مخطوبة والمفروض أنها من عيلة محترمة , بس بقى لما بتخرج مع الموكوس خطيبها بتلبس لبس محزق ويودى فى داهية , ياترى ليه, يمكن عايزه تتخطب تانى؟؟؟

الناس سواسية كأسنان المشط ,,,, ولكن تبقى أصابع اليد مختلفة

2007-09-04T15:07:00.000+03:00

قالوا للصبر حدود قلت لم أرها أكيد مررت بها من زمااااان0
-----------------

فالكليات , المدرج يقسم كالأتى: أول 5 أو 6 صفوف للمركزين مع الراجل
الـ 7 , 8 اللى بعديهم طلبة بيلعبوا بالموبايل أو فى موال تانى,,
منه بقى لحد الآخر ناس فالضياع همهم الحضور وخلاص وفيهم اللى قاعد على الأرض وينده:ها..خلص ولالسه.
------------------

البنات أنواع : واحدة شايفة نفسها نفسها حلوة زيادة عن اللزوم ومغرورة عشان كده مابتقعش غير فالمغرورين اللى زيها
وواحدة زى القمر بس مش حاسة بكده عشان كده بتتوفق مع واحد أمه دعياله وهايقدرها صح,,
وواحدة همها من متاع الدنيا من مال وجاه وغيره ودى أكتر واحدة بيتعمل فيها مقالب إستمارة 6 ,,
وواحدة مقتنعة إن الدنيا كفاية عليها الستات فبتعيش طول عمرها وحيدة فى سبيل أهداف مش هاتفيدها بحاجة.
وواحدة عايشة الحياة بحرية بعيدة عن حدود الأدب مع الشباب وعجباها الدنيا كده.
وواحدة أنثى شكلاً ولكنها راجل تفكيراً و تصرفاً. ودى أجدعهم فى نظر ناس وشاذة فى نظر البعض الآخر.
--------------------

ياما سؤال (ليه كده؟) ودا ناس فى داهية أو على الأقل خرجهم عن حدود أدبهم وشعورهم كتير0
الشاب المذبذب عندما يرى الفتاة التى أعجبته فيقول فى نفسه ( أنا ليه ماتجوزهاش؟) وبعد الجواز بشهر يقول فى سره (أنا ليه إتجوزتها؟0
--------------------

إسأل واحد إتهرى تجربة وبعدين إبقى إسأل الطبيب0
--------------------

أمثلة الناس الغربية ( يدى الحلق للى بلا ودان ) لما لما ندّى الحلق للى بلا ودان هو هايعمل بأمُها إيه؟

--------------------

القفة أم إتنين يشيلها الراجل لوحده لحد ماينقطم وسطه والهانم تنبسط0
--------------------

فى أمثلة الفلاحين ( أربطيه بحتة عيل) يعنى حتة واحدة , إيه بقى اللى يخليها تجيب خمس ست حتت؟

فإن سألوك عن الكفت , قولهم روحوا إسألوا الثوم0
فإن سألوك عن السلام , قولهم روحوا إسألوا مبارك0
فإن سألوك عن السعادة, قولهم روحوا إسألوا راحة البال.0
فإن سألوك عن الدهاء , قولهم روحوا إسألوا اليهود0
فإن سألوك عن الندم, قولهم روحوا إسألوا المتزوجون0
فإن سألوك عن الجبن, قولهم روحوا إسألوا طعمة0
فإن سألوك عن البلطجة , قولهم روحوا إسألوا غزّة0
فإن سألوك عن الزحمة , قولهم روحوا إسألوا المصريين0
فإن سألوك عن الرحمة , قولهم روحوا أطلبوها من رب العالمين0

مشاهد 00تغيظ!!0 ولكن تبقى حيرتى كما هى

2007-09-03T13:08:00.000+03:00

لقد طالبن النساء بالمساواة منذ سنين مضت, ولكن يجب أن يطالب الرجال بالمساواة الآن:

مشهدين رأيتهما بعينى ولم أصدق أى منهما فوراً وهما دليلين على مدى تقدم المرأة العربية
الاول: كان على بحر(جدة) : زوج لا يدخن وزوجته بجانبه ...... بتشرب شيشة0
الثانى: كان فى (سموحة) : أم وإبنها الصغير جالسين على مقهى , وهى تتحايل عليه أن يشرب اللبن بيد وفى يدها
الأخرى تمسك بالشيشة ...... ما أعظمها قدوة!!0
------------------

أخترت لك مشهدين مما يتكرر كل يوم على كورنيش النيل فأيهما أصح؟0
الاول: شاب وفتاة جالسين على أريكة يشاهدون جمال النيل والشاب يبصق فى أذن الفتاة الغلبانة بكلام خيالى
مالوش لازمة وهى سعيدة بذلك ونراها مريحة رأسها على كتفه0
والثانى: شاب وفتاة يتمشيان على الكورنيش وبرضه هى ساندة رأسها على كتفه وممسكة بإصبعها الصغير فى
إصبعه وتستمع لنفس البصق بتاع الشاب الاولانى. أتعرف أيهما الأصح؟ ..... كلاهما خاطئين بالطبع0

------------------

قمة الغباء اللى فالدنيا أن تضع البغبغاء معك فى غرفة النوم ليلة الدخلة وتخرجه للضيوف فالصباحية0
------------------

الفشّار هو ذلك الذى يقنعك أن الدنيا كلها عنده فالبيت وهو نفس الشخص الذى يسألك فى سلفة إتنين جنيه0
------------------

كل من يفتى فالدين على مزاجه تجد أنها كلها مواضيع لا أخلاقية0
------------------

عقول شباب اليوم مليئة بالمال والسلطان و النساء وبعدها فراغ واسع0
------------------

لكل الشعوب العربية زى عام خاص بهم للرجال وآخر للنساء ........ لا تطبقوا النظرية على مصر0
------------------

سوف أعيش دائماً فخور بوطنى الأم مصر ....... إنسوا الموضوع فلن أفعل ذلك أبدا0ً
------------------

كلما أفكر فى موضوع صعب يظهر لى الله يرحمه عبد الحليم بصوته العذب قائلاً الناجح يرفع إيده فترتسم على شفتاى

إبتسامه الرضا وبين غفلة عين و إنتباهتها أجده يقول لى فى شدة: وطريقك مسدود مسدود يا ولدى0
------------------

من أحب النكد بلا سبب مجنون ومن عشقه لسبب عبقرى0
------------------

من وحى الأمثال : إبنك على مايفكر يتربى وجوزك على مايفكر يرجع لحالته القديمة0

من وحى الأمثال : إن كان حبيبك عسل إتأكد إنه أمتنان0

من وحى الأمثال : اللى بينفخ فى إربه مقطوعة ... أكيد نفسه هاينقطع يعنى0

و لا اييييييييييييه؟؟؟؟؟؟؟0

فى لحظة جد أطل العقل ونطق القلب بكلام عن الحياة وكتبت يداى ماهو آت

2007-09-02T06:49:00.000+03:00

- إبداع فن الغناء القليل كالشمعة فذلك النفق المظلم.

--------------------------------
- مرأة ذات جمال خلاب روحاً وليس شكلاً كالفتة طعمها جميل.
-------------------------------
- فن الرسم وسط ألوان الفنون الاخرى كالزهرة البيضاء بين حدائق الخضرة.
-------------------------------
- يتعاملون كالأصدقاء, يقول هو : هى كأختى وهى تقول: هو كشقيقى , وكلاهما كاذبان حتى فالتعبير.
-------------------------------
- العزف على أوتار الكلمات العذبة على مسامع النساء هو أول مرحلة لحفر قبر قلب من كان رجلاً.
-------------------------------
- ننظر الآن لشاب وفتاة يتسامرون سوياً منذ ساعات وستجد أنه قد لطخ وجهه بإبتسامة فرحاً بلقائها وهى فاتحة فمها حتى الضروس لتريه أنها تغسل أسنانها يومياً.
--------------------------------
- ليس هناك فرق بين فتاتين إحداهما ترتدى الحجاب والأخرى لا طالما كل منهن ترتدى بلوزة بادى وبنطلون أصغر من مقاسها بثلاث
نمر وكذلك مشيتهما واحدة.
--------------------------------
- أصبح الآن كثير من الشباب الذين يكلمون البنات فالحرم الجامعى يكلموهن بعيداً عن الجدية وذلك لأن كل منهم أحمق والحق أن ليس كل أحمق شاباً.
- يبصق الشيطان على مسامع الفتاة بالموضة ولا يقل لها عرى.
--------------------------------
- هراء الشيطان فى آذانهن على الحرية ولكنه لا يتفوه بالفسق كلمة.
---------------------------------
- تخيل معى ما قاله الدين, شاب تتحدد عورته فى وسطه وفتاة كل ما يباح لها أن تظهره وجهها وكفيها, أنظر من يتعرى أكثر الآن.!
---------------------------------
- تختلف تعابير وشعور الرجال عند تبشيرهم بطفل قادم فالطريق ,, حيث:
أولهم شاب قام بالكارثة فيقول نهار أبوكى أسود ,
والثانى زوج لا يريد الخلفة الآن فيقول إنتى عايزة تدمرى مستقبلى,
وثالثهم زوج توقع الخلفة وتمناها فيقول الحمد لك يا الله ,
والرابع زوج لم يصدق أنه سيفعلها أصلاً فيصاب بشلل رباعى من الفرحة , وهى : وضاع الراجل يالهوى.
----------------------------------
- فالمترو كل الناس سواسية ولكن أكثرهم ينكرون ذلك.
-----------------------------------
- أياً كان المكان طالما المكان مصر , عندما تقوم مشاجرة بين شخصين لا يعرف أحدهما الآخر , فأعرف أن أول من سيتكلم سوف يبرطم بشئ من إثنين لا ثالث لهما , إما ( إنت عارف إنت بتكلم مين؟) أو(يلعن سلالة أهل الآخر من أولها لآخرها) ,, أما الأولى فالمتكلم راجل زبالة لأنه لو كان إبن ناس فسوف يعتذر إن كان هو المخطئ أو يقول سامحك الله إن أخطئ الآخر فى حقه ,, أما الثانية فالمتكلم يثبت أنه كلب وواطى وأهله ماعرفوش يربوه.
-----------------------------------
- فإن سألوك عن الصداقة , قل إنقرضت بين الجنس المثلى وجاء العهد الجديد بين واحد فاكر نفسه دكر وواحدة بيضحك عليها بكلمتين هايفيين.
-----------------------------------
- تتوالى اللقاءات وتتوطد العلاقة وتزال الحدود , حتى يأتى اليوم الذى كالعادة يوصلها لحد باب العمارة فتفاجئه قائلة: مش هاتطلع تكلم بابا , ساعتها هايقول فى سره: إتورطنا ولا إيه ,هاطنشها من بكره.

-----------------------------------
- يسألون الشاب الجامعى المسخرة , ماهى أسعد لياليك؟ فيرد قائلاً: ليلة العيد فالمول وليلة رأس السنة فالعوامة وليلة الدخلة فالبيت.

لـــمــــــــــــــاذا أنــــــــــــــا؟

2007-09-01T21:27:00.001+03:00

عجبت لقدر ظل توأم ظلى , عجبت له و صرخت به لماذا؟ لماذا انا؟ ترى هل سُلطت على أم هذا ما يحمله لى حظى بالدنيا ما رغبت به بشدة حنسنى به بختى ثم سلبه مثلما يسلب خط الأفق قرص الشمس , نعم الشمس هى من أحببت بل كانت هى أجمل بهجة ونوراً منها . عارٌ عليك أيها الحظ أما تترك لى ولو دقة قلب يدقها قلبى فرحاً , ألا تخجل أن تكون دائماً ضدى.عجبت لك يا قدر أما ترى أن قلبى انحدر على جرف نهر الحب بعد أن كان حجر وهاهى تلك الورود والسيقان والشجر شهدت حبى لملاكى ذات الوجه البراق. نعم أحببتها وما العيب فى ذلك وهل لم يحب رجل قبلى وهل هناك من ينكر أنه أحب صدقاً ولو مرة , أن كان هناك من ينكر حب قلبه لمن أحبها فهو معذب أو لا يعرف أن يحب. إن راحت ومضة قلبى المظلم ونور عيناى الباكية وقوة روحى الواهنة فما أمامى غير أن أشكى بكتاباتى التى تحمل على كل حرف دمعة حارقة ذرفت على حبيبتى وماضى أفعل ماهو أصعب من المستحيل لكى أنساه - أكتب و أكتب لكى تتنفس روحى من جديد لعل هذا يكون للقلب دواء لما فعلته بى ابنة حواء.